لاہور: قومی کرکٹ ٹیم کے کپتان سلمان علی آغا نے پریس کانفرنس میں جیت پر خوشی کا اظہار کرتے ہوئے کہا کہ نوجوان کھلاڑیوں کی اچھی پرفارمنس پر انھیں بہت خوشی ہے۔
تفصیلات کے مطابق بنگلادیش کو ٹی 20 سیریز میں وائٹ واش کرنے کے بعد اپنی گفتگو میں قومی ٹیم کے کپتان سلمان علی آغا نے کہا ’’میرے لیے محمد حارث، حسن نواز کو میچ ونر بنانا اہم ہے، صائم ایوب، حسن نواز اور محمد حارث میچ ونر نہ بن سکے تو خود کو ناکام کپتان سمجھوں گا۔‘‘
انھوں نے کہا سیریز میں تمام کھلاڑیوں نے بہترین کھیل پیش کیا، ہم اسی طرح کی کرکٹ کھیلنا چاہتے ہیں، ہماری کوشش ہے کہ مثبت کرکٹ کھیلیں،اگر ہم مد مقابل ٹیم کو دباؤ میں لائیں گے تو اچھے نتائج آئیں گے، اور ہمیں ورلڈ ٹی ٹوینٹی کے لیے اچھی تیاری مل جائے گی۔
ٹی 20 سیریز: پاکستان نے بنگلادیش کو وائٹ واش کردیا، حارث کی شاندار سنچری
کپتان سلمان علی آغا نے مزید کہا ’’میرے خیال میں کرکٹ کھیلنے کا یہی انداز بہترین ہے، ٹیم کا جو ماحول بنانے کی کوشش کی جا رہی ہے ٹیم اس طرف چل پڑی ہے۔‘‘
بنگلا دیش ٹیم کے ہیڈ کوچ نے شکست کی وجہ بتادی
قومی ٹیم کے کپتان نے کہا ہم ہر میچ اور ہر سیریز جیتنا چاہتے ہیں، شائقین سے کہوں گا ہمیں اسی طرح سپورٹ کرتے رہیں، مایوس نہیں کریں گے، شائقین جتنی بڑی تعداد میں اسٹیڈیم میں آئے ان کا شکر گزار ہوں۔
