لاہور: جنون بینڈ کے گٹارسٹ اور نامور گلوکار و موسیقار سلمان احمد نے خدشہ ظاہر کیا ہے کہ شاید وہ کرونا وائرس سے متاثر ہوچکے ہیں۔
سماجی رابطے کی ویب سائٹ ٹویٹر پر سلمان احمد نے لکھا کہ ’دوستوں ایک بری خبر ہے اور وہ یہ کہ خدشہ ہے کہ مجھے کرونا ہوگیا جس کی تشخیص کا ٹیسٹ میں جلد کرواؤں گا‘۔
انہوں نے لکھا کہ ’میرے ڈاکٹر نے بتایا کہ تمھارا کرونا ٹیسٹ پازیٹیو آسکتا ہے‘۔
سلمان احمد نے دوسری خوش خبری سنائی اور بتایا کہ مجھے نزلہ زکام تو ہے پر اس کی شدت کم ہے، کرونا کی علامات کے بعد میں نے امریکی ریاست نیویارک میں خود کو قرنطنیہ کرلیا اور باقاعدگی سے ہاتھ دھو رہا ہوں‘۔
گلوکار نے بتایا کہ وہ باقاعدگی سے بھاپ لے رہے ہیں، گرم پانی کا استعمال بھی کررہے ہیں۔ سلمان احمد نے دعاؤں میں یاد رکھنے والوں کا شکریہ بھی ادا کیا۔
Friends,The bad news first: according to my doc Ibelli , I’m probably #COVID19 positive.will test soon. The good news is that I have mild flu like symptoms. I’m self quarantining in NY, washing my hands regularly, inhaling steam,drinking warm fluids.Thank you 4 your prayers🙏🎸
— salman ahmad (@sufisal) April 3, 2020
سلمان احمد کے لیے مداحوں نے نیک خواہشات کا اظہار کیا اور امید ظاہر کی کہ اُن کا خدشہ غلط ہوگا اور وہ جلد ہی صحت یاب ہوجائیں گے۔
