اسلام آباد : سیکریٹری جنرل پی ٹی آئی سلمان اکرم راجہ نے بانی پی ٹی آئی کی اہلیہ بشریٰ بی بی کے پشاور جانے کی وجہ بتادی۔
تفصیلات کے مطابق سیکریٹری جنرل پی ٹی آئی سلمان کرم راجہ نے اے آر وائی نیوز کے پروگرام خبر میں گفتگو کرتے ہوئے کہا 9 ماہ کے دوران بشریٰ بی بی پر مختلف مقدمات بنائے گئے تھے، بشریٰ بی بی کیخلاف تمام مقدمات جعلی اور جھوٹے تھے، بشریٰ بی بی کے وکلا بھرپور اندازمیں جعلی مقدمات کیخلاف لڑے، ان کی رہائی یقینی تھی کیونکہ مقدمات ہی جعلی تھے۔
سیکریٹری جنرل پی ٹی آئی کا کہنا تھا کہ بشریٰ بی بی گھریلوخاتون ہیں ان کاسیاست سےکوئی تعلق نہیں ، وہ اس لیے کے پی گئی ہیں کہ آج رات پھر کوئی جھوٹا مقدمہ نہ بنا دیا جائے۔
انھوں نے کہا کہ ایک صورتحال توپیداہوگئی ہے جس کیخلاف آوازاٹھارہےہیں، جسٹس یحییٰ آفریدی بہترین جج ہیں ہمارا مسئلہ ان کی ذات سے متعلق نہیں۔
پی ٹی آئی پر پابندی لگانے کا فیصلہ، حکومت بوکھلاہٹ کا شکار
سلمان اکرم کا کہنا تھا کہ وکلاتحریک چلائیں گےکیونکہ عدلیہ پرحملہ ہواہے، عدالتوں میں پیش ہوں گے کیونکہ مقدمات کا سامنا کرنا ہے، ہمیں جو عدالتیں میسر ہیں ان میں جائیں گے، اصولی مؤقف پر قائم ہیں۔
انھوں نے بتایا کہ ایک تاثر دیا جا رہا ہے کہ پارٹی لیڈر شپ ختم ہوگئی ہے تو ایسا کچھ نہیں، ہر پارٹی میں گفتگو ہوتی ہے، اختلاف رائے بھی ہوتا ہے۔
فضل الرحمان کے حوالے سے رہنما پی ٹی آئی نے کہا کہ فضل الرحمان کا بیان کے لوگوں کو اٹھالیا جائے گا یہ بات کہی تھی اس پر کھڑا ہوں، ہمارا اعتراض آئینی ترمیم پر ہے، احتجاج عدلیہ پر حملے کیخلاف ہے، سیاسی اورپارلیمانی کمیٹیوں میں اختلافات ہوتے رہتے ہیں، مولانا سے بات ہوئی تھی تو انہوں نے کہا تھا کہ ہمارے بھی لوگ ٹوٹ سکتے ہیں۔
آئینی ترمیم سے متعلق ان کا کہنا تھا کہ سپریم کورٹ،ہائیکورٹ کی سطح پرچنےہوئےجج اپیل سنیں گے یہ سانحہ ہوا ہے، یقین دلاتا ہوں بہت ہی جلد قوم ان آئینی ترامیم کیخلاف کھڑی ہوگی، آئینی ترامیم کی آڑ میں ایک سانحہ کردیا گیا ہے، بہت جلد قوم کو اندازہ ہوگا۔
