پاکستان تحریک انصاف کے رہنما سلمان اکرم راجہ نے پارٹی عہدے سے استعفیٰ دے دیا۔
اے آر وائی نیوز کے مطابق سلمان اکرام راجہ نے پی ٹی آئی سیکریٹری جنرل کے عہدے سے استعفیٰ دیا ہے جس کی تصدیق چیئرمین پی ٹی آئی بیرسٹر گوہر نے بھی کردی ہے۔
ذرائع کا کہنا ہے کہ حالیہ سیاسی صورتحال اور پی ٹی آئی کی سیاسی قیادت پر تنقید کی گئی تھی۔
- Advertisement -
سلمان اکرم راجہ نے ایک روز قبل ویڈیو پیغام جاری کیا تھا جس میں وہ معاملات کو لے کر رنجیدہ دکھائی دے رہے تھے اور کارکنان کی جانب سے ان کی دی ہوئی وضاحت کو تسلیم نہیں کیا جارہا تھا۔
ذرائع کا کہنا ہے کہ سلمان اکرم راجہ کے استعفیٰ کو قبول کرنے کا فیصلہ بانی پی ٹی آئی کریں گے۔
علاوہ ازیں اب سے کچھ دیر بعد پی ٹی آئی سیاسی کمیٹی کا اجلاس پشاور میں ہونے جارہا ہے جس میں سیاسی صورتحال پر تبادلہ خیال کیا جائے گا۔
