کراچی: ڈبلیو ایم او گلوبل یوتھ ونگ دی فرسٹ بلاسٹ سیشن کا انعقاد ہوا جس میں صدر اور سی ای او اے آر وائی نیٹ ورک سلمان اقبال نے اپنی زندگی سے جڑی باتیں سنائیں۔
اے آر وائی نیوز کے مطابق ڈبلیو ایم او گلوبل یوتھ ونگ دی فرسٹ بلاسٹ سیشن کے تحت اے آر وائی نیوز نیٹ ورک کے صدر و سی ای او ’سلمان اقبال کے نام ایک شام‘ کے عنوان سے متعلق تقریب کا اہتمام کیا گیا جس میں یوتھ کے مینٹور نے ماضی کی یادوں سے حاضرین کو آگاہ کیا۔
سلمان اقبال نے بتایا کہ میڈیا انڈسٹری کو سنبھالنا تر نوالہ ثابت نہیں ہوتا، ملکی حالات کے حوالے سے باتیں بھی گفتگو میں شامل تھیں۔
انہوں نے سوال اٹھایا کہ ہم کب تک آئی ایم ایف سے پیسے مانگتے رہیں گے، اب سوچ بدلنے کا وقت آگیا ہے۔
ڈبلیو ایم او کے کم عمر سربراہ نے کہا کہ بزرگوں کی نصیحت کے بغیر ہم سب ادھورے ہیں۔ علاوہ ازیں تقریب کے اختتام پر مہمان خاص نے انتظامیہ کے اہم ارکان کو ایوارڈز پیش کیے۔
