سلمان خان کے مشہور گارڈ شیرا نے آئیفا ایوارڈز 2023 شو کے دوران اداکار وکی کوشل کو دھکے دیے جانے سے متعلق دعووں کی حقیقت سامنے لے آئے۔
گزشتہ برس مئی میں اداکار سلمان خان اور وکی کوشل کی آئیفا میں شرکت کے دوران کی ایک ویڈیو سامنے آئی تھی، ویڈیو میں یہ دعویٰ کیا گیا تھا کہ سلمان خان اور ان کے باڈی گارڈ نے وکی کوشل کو دھکا دیا۔
View this post on Instagram
تاہم اب سلمان خان کے مشہور گارڈ شیرا نے حالیہ انٹرویو میں اُس ویڈیو کی حقیقت بتادی، شیرا نے کہا کہ ہم نے وکی کو دھکا نہیں دیا تھا، میں اس وقت وہاں موجود نہیں تھا۔
سلمان خان کے باڈی گارڈ نے کہا کہ وہ ہمارے ساتھ ایک اور لڑکا تھا لیکن اس نے بھی وکی کو دھکا نہیں دیا، حقیقت یہ ہے کہ وہاں وکی اور بھائی (سلمان خان) کے درمیان بات چیت ہوئی تھی۔
شیرا نے مزید کہا کہ اس واقعے کو سراسر غلط انداز میں پیش کیا گیا تھا، وکی سلمان بھائی کے اچھے دوست ہیں، واضح رہے کہ گرمیت سنگھ جولی عرف شیرا 1995 سے بالی ووڈ کے سلطان سلمان خان کے محافظ ہیں۔
شیرا نے حال ہی میں ایک پرتعیش کار خریدی ہے جس کی مالیت 1 کروڑ 40 لاکھ بھارتی روپے ہے۔
بالی وڈ کے دبنگ سلمان خان کی طرح ان کے باڈی گارڈ ’شیرا‘ ناصرف عوامی سطح پر بہت مقبول ہیں بلکہ انہیں دبنگ اداکار کا اعتماد بھی حاصل ہے، یہی وجہ ہے کہ شیرا کو اکثر و بیشتر سلمان خان کے ساتھ دیکھا جاتا ہے۔
