ممبئی: بالی وڈ کے سُپر اسٹار سلمان خان نے اپنی آئندہ ریلیز ہونے والی فلم ’ٹائیگر 3‘ کا پوسٹر جاری کر کے مداحوں کو خوش کر دیا۔
بھارتی میڈیا کے مطابق سلمان خان اپنی دیرینہ دوست کترینہ کیف کے ہمراہ ’ٹائیگر 3‘ میں نظر آئیں گے جس کی عکس بندی حتمی مرحلے میں پہنچ گئی۔
آج سلمان خان نے سماجی رابطے کی ویب سائٹ ایکس پر فلم کا پوسٹر جاری کیا جس میں انہیں اور کترینہ کیف کو بھرپور ایکشن میں دیکھا جا سکتا ہے۔
سُپر اسٹار نے کیپشن میں لکھا ’آ رہا ہوں۔ ٹائیگر 3 آن دیوالی 2023۔ بڑی اسکرین پر اس کا مزا لیں۔ فلم ہندی، تمل اور تیلگو میں ریلیز ہوگی۔‘
Aa raha hoon! #Tiger3 on Diwali 2023. Celebrate #Tiger3 with #YRF50 only at a big screen near you. Releasing in Hindi, Tamil and Telugu. #KatrinaKaif | #ManeeshSharma | @yrf pic.twitter.com/3bMBWyPVGm
— Salman Khan (@BeingSalmanKhan) September 2, 2023
ادھر کترینہ کیف نے انسٹاگرام کے ذریعے فلم کا پوسٹر جاری کرتے ہوئے کیپشن میں لکھا کہ ’کوئی حد نہیں۔ کوئی خوف نہیں۔ پیچھے نہیں ہٹنا۔‘
فلم رواں سال 10 نومبر کو سنیما گھروں میں نمائش کیلیے پیش کی جائے گی جس میں اداکار عمران ہاشمی بھی جلوہ گر ہوں گے۔ فلم کے ڈائریکٹر منیش شرما ہیں۔
