ممبئی: معروف اداکار سلمان خان نے بالی وڈ کے چھوٹے نواب سیف علی خان کی بیٹی اداکارہ سارہ علی خان کو فلم میں کام دینے سے انکار کر دیا۔
فوٹو اینڈ ویڈیو شیئرنگ ایپلی کیشن انسٹا گرام پر انٹرنیشنل انڈیا فلم اکیڈمی ایوارڈز کی تقریب کا ایک مختصر ویڈیو کلپ وائرل ہو رہا ہے جس میں دونوں فنکار گفتگو کر رہے ہیں۔
ویڈیو میں سارہ علی خان بتاتی ہیں کہ ”دراصل میں کوئی برینڈ لانچ کرنے جا رہی ہوں“۔ اس پر سلمان خان حیرت کا اظہار کرتے ہیں تاہم اسی لمحے وہ اداکار کا ہاتھ پکڑ کر کہتی ہیں ”سلمان انکل (Uncle) کے ساتھ۔۔“
اداکارہ کے یہ کہتے ہی تقریب میں موجود تمام لوگ قہقہہ لگاتے ہیں۔
اس کے بعد سلو میاں اداکارہ سے کہتے ہیں کہ ”دیکھو تمہاری فلم تو گئی، کاش تم میرے ساتھ ہیروئن آتی لیکن تم نے مجھے انکل کہہ ڈالا۔“
اس کے بعد دونوں فنکار گانے پر رقص کرتے ہیں۔
View this post on Instagram
