نیویارک پولیس ڈپارٹمنٹ ٹی ٹوئنٹی ورلڈکپ میچز اور حفاظتی انتظامات پر گہری نظر رکھے ہوئے ہے اور پلیئرز کومناسب سیکیوٹی فراہم کی جارہی ہے۔
امریکا میں پولیس اس بات کا خاص خیال رکھ رہی ہے کہ سپراسٹار پلیئرز کے قریب آنے کی کوشش کرنے والے شائقین کی نقل و حرکت اور بیرونی رکاوٹوں پر نظر رکھی جائے تاکہ کھلاڑیوں کو کسی قسم کی کئی پریشانہ نہ ہو۔
بھارت کے اسٹار پلیئر ویرات کوہلی کو بھی نیویارک پولیس خاص سیکیورٹی فراہم کرتی پائی گئی، ایک وائرل ہونے والی ویڈیو میں کوہلی ہاتھ میں بلا لیے پریکٹس سیشن کے لیے آرہے ہیں۔
ویڈیو میں دیکھا جاسکتا ہے کہ کم از کم 6 سیکیورٹی اہلکاروں نے کوہلی کو گھیر ہوا ہے، اس سے ظاہر ہوتا ہے کہ ورلڈ کپ منتظؓمین سیکیورٹی کے حوالے سے کوئی رسک نہیں لینا چاہتے۔
ایک سوشل میڈیا صارف نے ’ایکس‘ پر کوہلی کی ویڈیو شیئر کرتے ہوئے لکھا کہ ’اتنی سیکیورٹی تو امریکا میں سلمان خان کو بھی نہیں دی جاتی۔‘
Even Salman Khan doesn’t have this kind of swag https://t.co/ar86RYwJ5i
— Nihari Korma (@NihariVsKorma) June 3, 2024
خیال رہے کہ آئی سی سی ٹی ٹوئنٹی ورلڈ کپ میں شیڈول پاک بھارت میچ سے قبل دہشت گردی کا خطرہ ظاہر کیا گیا تھا۔
دہشت گردی کے خطرے کے پیش نظر نیویارک انتظامیہ نے اسٹیڈیم کی سیکیورٹی بڑھادی ہے۔ گورنر کے دفتر سے جاری بیان میں کیا گیا ہے کہ صورتحال کی مسلسل نگرانی کررہے ہیں۔
ترجمان گورنر آفس کا کہنا تھا کہ عوامی تحفظ کو کوئی خطرہ لاحق نہیں، انتظامیہ قانون نافذ کرنے والے حکام کے ساتھ مل کر کام کررہی ہے، عوام کا تحفظ ہماری اولین ترجیح ہے۔
ان کا کہنا ہے کہ ہم پُرعزم ہیں کہ ٹی20ورلڈ کپ محفوظ اور یادگار ثابت ہوگا، یاد رہے کہ اس میگا ایونٹ میں پاک بھارت ٹاکرا 9جون کو نیویارک میں شیڈول ہے۔
اس سے قبل احمد آباد میں بھی ویرات کوہلی کو درپیش سیکیورٹی خطرات کے باعث رائل چیلنجرز بنگلور نے ناک آوٹ میچ سے قبل پریکٹس سیشن منسوخ کردیا تھا۔
بھارتی میڈیا کے مطابق گجرات پولیس نے احمد آباد سے چار لوگوں کو دہشت گردانہ سرگرمیوں کے شبہ میں گرفتار کیا تھا۔
