بالی ووڈ کے سلطان سلمان خان کی کمسن بھانجی کے ساتھ دلچسپ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر سلمان خان نے بھانجی آیت کے ہمراہ دلچسپ ویڈیو شیئر کی جسے ان کے مداحوں کی جانب سے خوب سراہا جارہا ہے۔
سلمان خان نے ویڈیو شیئر کرتے ہوئے کیپشن میں لکھا کہ ’ماموں کے فٹ اسٹیپس فالو کرتے ہوئے۔‘
ویڈیو میں دیکھا جاسکتا ہے کہ آیت اپنے ماموں سلمان خان کے نقش قدم پر چلتے ہوئے انہی کی طرح چہل قدمی کررہی ہیں اور ان کی نقل اتار رہی ہیں۔
ویڈیو کے بیک گراؤنڈ میں سلمان خان کی بلاک بسٹر فلم ’بجرنگی بھائی جان‘ کے گانے ’تو جو ملا‘ واضح طور پر سنا جاسکتا ہے۔
سلمان خان کی ویڈیو پر ساتھی اداکاروں نے بھی کمنٹ کیے جبکہ سنجے دت کی اہلیہ مانیاتا دت نے لکھا کہ ’ماشا اللہ۔‘
ویڈیو کو سوشل میڈیا صارفین کی جانب سے پسند کیا جارہا ہے ایک مداح نے لکھا کہ ’یہ بھی سلمان خان کی طرح بڑی اسٹار بنیں گی۔‘
واضح رہے کہ آیت شرما سلمان خان کی بہن ارپیتا خان کی بیٹی ہیں۔ ارپیتا خان اور ایوش شرما نومبر 2014 میں شادی کے بندھن میں بندھے ان کا ایک بیٹا آہل شرما بھی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں