بالی ووڈ کے سلطان سلمان خان کے نئے ٹیلنٹ کی ویڈیو سوشل میڈیا پر وائرل ہوگئی۔
بالی ووڈ اداکار سلمان خان جہاں اپنی دبنگ اداکاری کی وجہ سے مشہور ہیں وہیں ان میں ایک اور منفرد ٹیلنٹ بھی پایا جاتا ہے جس کی ویڈیو وائرل ہوگئی ہے۔
سوشل میڈیا پر اداکار سلمان خان کی ایک ویڈیو وائرل ہورہی ہے جس میں انہیں پورٹریٹ بناتے دیکھا جاسکتا ہے۔
ویڈیو میں سلمان خان کو چارکول پینسل کی مدد سے 2 انسانی شکلوں کو بناتے دیکھا جاسکتا ہے۔
ویڈیو میں دیکھا جاسکتا ہے کہ اداکار کبھی پینسل سے تو کبھی پورٹریٹ کو مکمل کرنے کے لیے اپنے ہاتھوں اور انگلیوں کا بھی استعمال کرتے ہیں۔
سلمان خان کے اس چھپے ٹیلنٹ کو جان کر کہیں ان کے مداح حیران ہورہے ہیں تو کہیں انہیں سراہا بھی جارہا ہے اور مداحوں کی جانب سے اس پر دلچسپ تبصرے بھی کیے جارہے ہیں۔
ایک صارف نے لکھا کہ سلمان خان ’ویلکم‘ کے مجنوں بھائی (انیل کپور) بن گئے ہیں، تصویر ایسے بناؤ کے چار لوگ نہیں کوئی بھی نہیں سمجھ پائے۔
دوسرے صارف نے لکھا کہ ’اگر اسے آرٹسٹ کہتے ہیں تو پھر آرٹسٹ کو کیا کہیں گے۔‘ تیسرے صارف نے لکھا کہ ’اصل زندگی کے مجنوں بھائی۔‘
واضح رہے کہ سلمان خان کی رواں سال فلم ’کسی کا بھائی کسی کی جان‘ ریلیز ہوئی تھی جس میں ہیروئن کا کردار پوجا ہیگڑے نے ادا کیا تھا۔
سلمان خان کی آنے والی فلم ’ٹائیگر تھری‘ ہے جس کی کاسٹ میں کترینہ کیف، عمران ہاشمی ودیگر شامل ہیں۔