بالی وڈ کے اداکار سلمان خان کی دیوالی کے موقع پر ریلیز ہونے والی فلم ’ ٹائیگر 3‘دنیا بھر سے 250 کروڑ کمانے کے قریب پہنچ گئی۔
بالی وڈ اداکار سلمان خان اور اداکارہ کترینہ کیف کی حال ہی میں ریلیز ہونے والی فلم ‘ٹائیگر 3’ سینما گھروں کی زینت بنی ہوئی ہے۔
سلمان خان اور کترینہ کیف کی ‘ٹائیگر 3’ 12 نومبر کو دیوالی کے موقع پر سینما گھروں میں ریلیز ہوئی، فلم ریلیز کے بعد سے ہی دھوم مچا رہی ہے، فلم نے ریلیز کے پہلے دن 44 کروڑ کا بزنس کیا تھا۔
ٹائیگر 3 نے سلمان خان کی ماضی کی تمام فلموں کے ریکارڈ توڑ ڈالے
تاہم اب فلم ٹائیگر 3 دو سو کروڑ کے کلب میں داخل ہوگئی ہے، فلم نے 100 کروڑ کا سنگ میل دوسرے دن ہی حاصل کرلیا تھا جبکہ 200 سو کروڑ تک پہنچنے کیلئے فلم کو چھ روز لگے، اس کی وجہ بھارت اور آسٹریلیا کے درمیان ورلڈ کپ 2023 کا فائنل میچ بھی ہو سکتا ہے۔
بھارتی رپورٹس کے مطابق ‘ٹائیگر 3’ نے آٹھ دن میں تقریباً 230 کروڑ روپے کمانے میں کامیاب رہی، اب بھارتی باکس آفس پر 250 کروڑ روپے کے نیٹ کی طرف بڑھ رہی ہے۔
واضح رہے کہ ’’ٹائیگر 3‘‘کو دیوالی کے موقع پر ریلیز کیا گیا تھا، فلم تین زبانوں ہندی، تامل اور تیلگو میں ریلیز ہوئی۔
فلم میں سلمان خان نے جاسوس ایجنٹ کا کردار ادا کیا ہے جبکہ کترینہ کیف بھی زویا نامی جاسوس کے کردار میں نظر آئیں اور عمران ہاشمی نے فلم میں وِلن کا کردار نبھایا ہے۔
تھرلر ایکشن فلم ٹائیگر 3 میں ناصرف سلمان خان بلکہ شاہ رخ خان اور ہریتھک روشن بھی نظر آئے، ان دونوں اسٹارز کو فلم میں مختصر کردار کے لیے شامل کیا گیا۔
یاد رہے کہ ٹائیگر فرنچائز کی یہ تیسری فلم ہے اور اس سے قبل 2012 میں ’ایک تھا ٹائیگر‘ اور 2017 میں ’ٹائیگر زندہ ہے‘ ریلیز کی جاچکی ہے۔
