ممبئی: بالی ووڈ سپر اسٹار سلمان خان اوراداکارہ انوشکا شرما آجکل اپنی نئی آنے والی فلم ’’سلطان ‘‘ کی شوٹنگ میں مصروف ہیں۔
بالی ووڈ کی خوبرو اداکارہ انوشکا شرما نے اپنی نئی آنے والی فلم ’سلطان‘کے ایک سین میں دبنگ سپر اسٹار سلمان خان کو زوردار تھپڑ رسید کردیا۔
سلطان میں سلمان خان ایک مایہ ناز پہلوان کا کردار ادا کرہے ہیں جبکہ اداکارہ انوشکا شرما مرکزی کردار ادا کررہی ہیں ۔
میڈیا رپورٹس کے مطابق حال ہی میں سلطان کی شوٹنگ کے متعلق سامنے آنے والی دیگر خبروں میں سب سے ذیادہ چونکا دینے والی خبر یہ ہے کہ اداکارہ نے فلم کے سیٹ پر سپرسٹار کے چہرے پر تھپڑ رسید کر دیا ہے ۔
واضح رہے مذکورہ منظر فلم کی ڈیمانڈ کے مطابق سلمان خان کی مرضی سے فلمبند کیا گیا تھا ۔علی عباس ظفر کی سلطان میں سپر سٹار سلمان خان ہریانہ سے تعلق رکھنے والے مایہ ناز پہلوان سلطا ن علی خان کے کردار میں نظر آئیں گے ۔
سلمان خان کی سلطان رواں سال عید کے موقع پر ملک بھر کے سینما گھروں میں نمائش کیلئے پیش کی جائے گی۔
