بالی ووڈ کے معروف اداکار متھن چکرورتی نے ساتھی فنکار اور بالی ووڈ کے سپر اسٹار سلمان خان کی شادی سے متعلق پیش گوئی کی ہے۔
بھارتی میڈیا رپورٹس کے مطابق حال ہی میں متھن چکرورتی نے رئیلٹی شو کے دوران ایک سوال کا جواب دیتے ہوئے کہا کہ جیکی شراف، سلمان خان، سنجے دت اور اکشے کمار چاروں اداکار بہت ہینڈ سم ہیں اور پُرکشش شخصیت کے مالک ہیں۔
متھن چکرورتی نے کہا کہ ایسی کون سی لڑکی ہوگی جو اتنے ہینڈسم سُپر اسٹار سے محبت نہیں کرے گی؟، ہر لڑکی کو لگتا ہے کہ اتنا ہینڈسم سپر اسٹار، اس سے شادی کرے گا لیکن میں دعوے کے ساتھ کہہ سکتا ہوں کہ سلمان خان صرف سب کو بے وقوف بناتا رہے گا، کسی سے کبھی شادی نہیں کرے گا۔
خیال رہے کے ماضی میں سلمان خان اور مختلف خوبرو بھارتی اداکاراؤں کی ڈیٹنگ کی خبریں سامنے آئیں۔
ان اداکارہ سنگیتا بجلانی ، ماڈل گرل شاہین جعفری، اداکارہ اور سماجی کارکن سومی علی، اداکارہ، ایشوریا رائے اور اداکارہ کترینہ کیف کے نام شامل ہیں۔
