بالی ووڈ اداکار سلمان خان کی سابقہ گرل فرینڈ سومی علی نے گینگسٹر لارنس بشنوئی سے اپیل کردی۔
بالی ووڈ کے سلطان سلمان خان کی سابقہ گرل فرینڈ سومی علی نے حال ہی میں گھر پر فائزرنگ کے واقعے کے بعد اداکار کے لیے تشویش کا اظہار کیا اور گینگسٹر لارنس بشنوئی سے اپیل کی ہے کہ وہ انہیں نقصان نہ پہنچائیں۔
سومی علی نے کہا کہ اس سے کوئی فرق نہیں پڑتا کہ کیا ہوا ہے؟ گزرے ہوئے کو گزرنے دو، میں کبھی نہیں چاہوں گی کہ ایسا کسی کے ساتھ ہو، چاہے وہ سلمان، شاہ رخ یا پھر میرا پڑوسی ہو، کوئی بھی اس کا مستحق نہیں ہے جس کا وہ ابھی تجربہ کررہا ہے۔
انہوں نے کہا کہ وہ کھیل کے طور پر شکار کی حمایت نہیں کرتیں، سلمان خان 1998 میں کافی جوان تھے جب اس نے کالے ہرن کا شکازر کیا جس سے بشنوئی برادری کے جذبات کو ٹھیس پہنچی لیکن کسی کی جان لینا قابل قبول نہیں ہے چاہے وہ سلمان ہو یا پھر عام آدمی، اگر آپ انصاف چاہتے ہیں تو عدالت میں جانا چاہیے۔
سومی علی نے کہا کہ میں بشنوئی برادری سے اپیل کرنا چاہتی ہوں کہ سلمان خان کو نقصان پہنچانے سے کالے ہرن واپس نہیں آئیں گے، میرے ساتھ جو کچھ ہوا اسے بدلا نہیں جاسکتا، میں نے خود سے صلح کرلی ہے۔
واضح رہے کہ سومی علی کی اپیل لارنس بشنوئی کے شوٹروں کی جانب سے ممبئی میں رہائشگاہ پر فائرنگ کے بعد سامنے آئی ہے۔
