بالی ووڈ سپر اسٹار سلمان خان کی ایکشن سے بھرپور فلم ’سکندر‘ باکس آفس پر تہلکہ مچانے میں ناکام ہوگئی۔
بھارتی میڈیا رپورٹ کے مطابق سلمان خان اور رشمیکا مندانا کی فلم ’سکندر‘ کی ریلیز کا مداحوں کو بے صبری سے انتظار اور فلم گزشتہ روز سنیما گھروں کی زینت بنی لیکن باکس آفس پر تہلکہ مچانے میں ناکام رہی۔
تجزیہ کاروں اور فلمسازوں کی توقعات کے برعکس سکندر نے ریلیز کے پہلے دن صرف 26 کروڑ کا بزنس کرسکی جو کافی مایوس کن ثابت ہوا۔
بالی ووڈ فلموں کے تجزیہ کار ترن آدرش نے ’سکندر‘ کو صرف دو اسٹارز دیے تھے جبکہ کومل ناہاٹا نے کہا تھا کہ ’فلم کو نقصان پہلے ہی ہوچکا تھا جب یہ آن لائن لیک ہوگئی۔
فلم کے ہندری ورژن کی اوسط نشست 23.47 فیصد رہی جو کہ فلم کی زبردست تشہیر کے باوجود غیرمعمولی طور پر کم ہے۔
اگرچہ سکندر کو عید کے خاص موقع پر سلمان خان کے بڑے تحفے کے طور پر پیش کیا گیا تھا لیکن یہ فلم حالیہ ریلیز ہونے والی دیگر فلموں کے مقابلے میں کمزور ثابت ہوئی۔
وکی کوشل کی فلم چھاوا نے پہلے دن 31 کروڑ کا بزنس کیا تھا جس کے مقابلے میں سلمان کی سکندر 5 کروڑ کم کما سکی ہے۔
واضح رہے کہ سلمان خان کی فلم ’ٹائیگر زندہ ہے‘ نے پہلے دن 33 کروڑ روپے کا بزنس کیا تھا جسے سکندر پیچھے چھوڑنے میں ناکام رہی۔
