تازہ ترین

صحافی سمیع ابراہیم اسلام آباد سے گرفتار

اسلام آباد: سینئر صحافی سمیع ابراہیم کو پولیس نے اسلام آباد سے گرفتار کرلیا۔

اے آر وائی نیوز کے مطابق سینئر صحافی سمیع ابراہیم کو اسلام آباد کے سیونتھ ایونیو سے حراست میں لیا گیا ہے تاہم پولیس کی جانب سے کچھ نہیں بتایا جارہا ہے انہیں کس کیس میں گرفتار کیا گیا ہے۔

ذرائع کا بتانا ہے کہ سمیع ابراہیم کو سیونتھ ایونیو پر روک کر حراست میں لیا گیا ہے۔

بعدازاں پولیس نے سمیع ابراہیم کی گرفتاری کی تردید کرتے ہوئے کہا کہ سمیع ابراہیم کو تلاش کررہے ہیں خاندان سے تعاون کیا جائے گا۔

واضح رہے کہ سینئر صحافی عمران ریاض خان کو بھی اس سے قبل 11 مئی کو پی ٹی آئی چیئرمین کی گرفتاری کے بعد شروع ہونے والے احتجاج کے تناظر میں گرفتار کیا گیا تھا۔

گزشتہ سماعت میں، لاہور ہائی کورٹ نے وزارت داخلہ اور دفاع کو ہدایت کی تھی کہ وہ اینکر پرسن عمران ریاض خان کی بازیابی کے لیے اپنی آئینی ذمہ داریاں ادا کریں۔

سماعت کے دوران انسپکٹر جنرل پنجاب ڈاکٹر عثمان انور نے انکشاف کیا کہ ملک بھر کے کسی پولیس ڈیپارٹمنٹ میں صحافی کا کوئی سراغ نہیں ملا۔

Comments