پاکستان کی سینئر اداکارہ ثمینہ پیرزادہ سماجی رابطے کی ویب سائٹ ٹوئٹر پر کافی متحرک رہتی ہیں۔ انہوں نے ملک کی موجودہ سیاسی صورتحال پر تبصرہ کیا ہے۔
ٹوئٹر پر ثمینہ پیرزادہ نے اظہارِ خیال کرتے ہوئے لکھا کہ ہر حکومت کو اپنی 5 سالہ مدت پوری کرنی چاہیے اور اس کے بعد نئے عام انتخابات کرائے جانے چاہییں۔
ثمینہ پیرزداہ نے کہا کہ ہمیں بحیثیت قوم نظام کو چلنے دینے کے لیے صبر کا مظاہرہ کرنا چاہیے۔
انہوں نے مزید کہا کہ جمہوریت کو غالب آنے دیں، کبھی بھی نظامِ حکومت کو پٹڑی سے نہ اتاریں چاہے کچھ بھی ہو، اگر کچھ لوگوں سے متفق نہیں ہیں تو انہیں منتخب نہ کریں۔
Every government should complete its 5year tenure and then new elections should be held. We as a nation must have patience to let the system work. Let Democracy prevail. Let’s never derail the system no matter what. If we don’t agree with some people let’s not elect them
— Samina Peerzada (@SaminaSays) March 30, 2022
اس سے قبل سینئر اداکارہ ثمینہ پیرزادہ نے وزیر اعظم عمران خان کی حمایت اور ملک کی سلامتی کے لیے دعائیں کی تھیں۔ ٹوئٹر پر انہوں نے لکھا تھا ”اپنے کپتان کو اللہ کی امان میں دیا، مجھے پاکستانی ہونے پر فخر ہے، پاکستان زندہ باد۔“
ثمینہ پیرزداہ نے مزید لکھا تھا کہ سب کے لیے دعائیں ہیں، پاکستان کے لیے دعائیں کہ یہاں جمہور اور جمہوریت سلامت رہے، ہم ہی بدلیں گے پاکستان، تبدیلی کی شروعات کسی ایک شخص سے ہوتی ہے، چلیں پاکستان کو ہر شہری کے لیے محفوظ ملک بنانے کی کوشش کرتے ہیں۔
