The news is by your side.

Advertisement

پیپلزپارٹی دوسروں کی بجائے اپنے قائدین کی فکر کرے‘ صمصام بخاری

پہلی مرتبہ’دونوں بڑے‘ کرپشن کیسز میں جیل میں ہیں،آخری کرپٹ پر ہاتھ ڈالنے تک سلسلہ نہیں رکے گا، صوبائی وزیر اطلاعات

لاہور : پنجاب کے وزیر اطلاعات و ثقافت سید صمصام علی بخاری نے کہا ہے کہ پیپلزپارٹی  رانا ثناءاللہ اور  ن لیگ کے دیگر قائدین کی بجائے اپنے رہنماﺅں کی فکر کرے۔

یہ بات انہوں نے رانا ثناء اللہ کی گرفتاری سے متعلق پیپلز پارٹی رہنماؤں کے بیانات پر اپنے رد عمل میں کہی، صوبائی وزیر کا کہنا تھا کہ  اپوزیشن رہنماﺅں کے سنسنی خیز بیانات کا مقصد اپنے خلاف درج کرپشن کے کیسز سے عوام کی توجہ ہٹانا ہے۔

پہلی مرتبہ” دونوں بڑے” کرپشن کیسز میں جیل میں ہیں۔آخری کرپٹ پر ہاتھ ڈالنے تک یہ سلسلہ نہیں رکے گا۔اپنے اےک بےان مےں سید صمصام بخاری نے کہا کہ وزیراعظم عمران خان ملک کو صاف اور شفاف نظام دینا چاہتے ہیں۔

انہوں نے کہا کہ مسلم لیگ (ن) اور پیپلزپارٹی کی اقتدار کی باریوں نے جمہوری سسٹم سے عوام کا اعتماد ختم کر دیا، پیپلز پارٹی نے نواز لیگ کی بیعت کر کے سیاسی مستقبل تاریک کر لیا ہے۔

صوبائی وزیر نے مزید کہا کہ ستم ظریفی دیکھئے کہ پیپلز پارٹی رانا ثناءاللہ کا دفاع کر رہی ہے، درحقیقت نواز لیگ اور پیپلز پارٹی دونوں ایک دوسرے کیلئے بوجھ ہیں، سوال یہ پیدا ہوتا ہے کہ کل تک ایک دوسرے کو چور کہنے والے کیوں اکٹھے ہوئے؟

مزید پڑھیں: رانا ثنا کے خلاف کالعدم تنظیموں تک پیسے پہنچانے کے ثبوت ہیں: صمصام بخاری

سید صمصام بخاری نے کہا کہ تحریک انصاف عوامی جدوجہد سے اقتدار میں آئی ہے۔ پی ٹی آئی حکومت کسی دباؤ میں نہیں آئے گی اور کرپٹ عناصر کا احتساب بلا امتیاز جاری رکھا جائے گا۔

Comments

یہ بھی پڑھیں