The news is by your side.

Advertisement

معجزہ ہے کہ پیپلزپارٹی رانا ثنا اللہ کا دفاع کررہی ہے، صمصام بخاری

لاہور: وزیراطلاعات پنجاب صمصام بخاری کا کہنا ہے کہ پی ٹی آئی کی مخالفت نے مسلم لیگ ن اور پیپلزپارٹی کو اکٹھے ہونے پر مجبورکردیا۔

تفصیلات کے مطابق وزیراطلاعات پنجاب نے کہا کہ رانا ثنا اللہ کی گرفتاری مکافات عمل ہے، درست کہتے ہیں دیر ہے اندھیر نہیں، سسٹم کی کمزوری ہے پہلے گرفت میں آنا چاہیے تھا۔

صمصام بخاری نے کہا کہ ظلم کی انتہا کرنے والے قانون کے کٹہرے میں آہی گئے۔ انہوں نے کہا کہ ہر گرفتاری کے بعد عمران خان پر الزام تراشی کیسے درست ہے؟، عدالتیں آزاد ہیں، جو چاہے اپنی بے گناہی ثابت کرے۔

وزیراطلاعات پنجاب نے کہا کہ کوئی غلط فہمی میں نہ رہے، احتساب سب کا ہوگا، یہی تبدیلی ہے کہ اپنے وقت کے جابر بھی پکڑ میں آگئے۔

صمصام بخاری نے کہا کہ رانا ثنااللہ ماڈل ٹاؤن کیس میں بھی بے گناہ ہیں؟، معجزہ ہے کہ پیپلز پارٹی رانا ثنا اللہ کا دفاع کر رہی ہے۔ انہوں نے کہا کہ پی ٹی آئی کی مخالفت نے مسلم لیگ ن اور پیپلزپارٹی کو اکٹھے ہونے پر مجبورکردیا۔

وزیراطلاعات پنجاب صمصام بخاری نے مزید کہا کہ جس نے بھی کرپشن یا غلط کام کیا اُسے انجام بھگتنا ہوگا۔

کرپشن کے لیے واویلا کرنے والے تبدیلی کا راستہ نہیں روک سکتے، صمصام بخاری

یاد رہے کہ 30 جون کو وزیر اطلاعات پنجاب صمصام بخاری کا کہنا تھا کہ فرسودہ نظام کو ابھی نہیں تو کبھی نہیں کی بنیاد پربدلنا ہوگا، نظام کی تبدیلی ہی ملکی معیشت میں بہتری کی ضامن ہے۔

Comments

comments

یہ بھی پڑھیں