پاکستان شوبز انڈسٹری کے معروف اداکار فیصل قریشی کی اہلیہ ثنا فیصل کی مزاحیہ پوسٹ سوشل میڈیا پر وائرل ہورہی ہے۔
معروف اداکار کی اہلیہ ثناء فیصل نے اپنے انسٹاگرام پر ایک پوسٹ شیئر کی، جس میں وہ اپنے شوہر سے مخاطب ہوکر کہہ رہی ہیں کہ ”آپ کو پتہ ہے کہ آج ٹی وی پر بتا رہے تھے کہ اگر شوہر دن میں 2 سے 3 دفعہ اپنی بیگم کی تعریف کرے تو وہ عورت کبھی بھی ڈپریشن میں نہیں جاتی“۔
View this post on Instagram
اپنی اہلیہ کے سوال کے جواب میں فیصل قریشی کہتے ہیں کہ ”تو بندہ پھر جھوٹ بول بول کر بھلے دوزخ میں چلا جائے“۔
ثنا فیصل کی جانب سے کی گئی مزاحیہ پوسٹ پر ان کے چاہنے والوں کی جانب سے لائکس اور کمنٹس کا سلسلہ جاری ہے۔
ایک صارف نازیہ اختر کا کمنٹس کرتے ہوئے کہنا تھا کہ ”بیوی کو خوش کو کرنے کے لئے جھوٹ بولنا جائز ہے۔۔ شوہر نہیں جائے گا دوزخ میں“۔
اس سے قبل معروف اداکار کا کہنا تھا کہ پاکستانی ڈرامے بھارت میں مقبول ہیں اور لوگ انہیں بہت پسند کرتے ہیں۔
پاکستان کے معروف اداکار نے حال ہی میں ایک پوڈ کاسٹ میں شرکت کی جہاں انہوں نے پاکستانی ڈراموں کی بھارت میں مقبولیت پر بات کی۔
پوڈ کاسٹ کی وائرل ہونے والی ویڈیو میں فیصل پاکستانی ڈراموں کی بھارت میں مقبولیت پر بات کرتے ہوئے کہا کہ میرے بہت سے ڈرامے بھارتی ٹیلی وژن پر نشر ہوئے ہیں۔
ایوارڈ شوز پر فیصل قریشی نے لب کشائی کر دی
اداکار نے اپنی بات جاری رکھتے ہوئے کہا کہ بھارتی عوام پاکستانی ڈراموں کے دیوانے ہیں، مجھے بھارتی کوریوگرافرنے بتایا کہ جب پاکستانی ڈرامے ’میری ذات ذرہ بے نشاں ’اور ’ہم سفر‘ دکھائے جاتے تھے اس وقت سڑکیں ویران ہوجاتی تھیں۔
