پاکستان خواتین کی سابق کپتان ثنا میر نے فخر زمان اور بابر اعظم کے بارے میں اپنے حالیہ تبصروں سے متعلق وضاحت کر دی۔
ثنامیر نے اس بات پر زور دیا کہ ان کا ارادہ مستحکم اور متاثر کن کھلاڑیوں کے ساتھ متوازن ٹیم کی اہمیت کو اجاگر کرنا تھا اور کسی خاص کھلاڑی کی صلاحیتوں کو مجروح کرنا نہیں تھا۔
انہوں نے کہا کہ میں نے آٹھ سال سے زیادہ عرصے تک پاکستانی ٹیم کی قیادت کی اور ٹیمیں اس طرح بنتی ہیں کہ آپ کو مکس اینڈ میچ کرنا پڑے۔ ایک ٹیم میں 11 شاہد آفریدی، 11 فخر زمان یا 11 بابر اعظم کا ہونا ممکن نہیں ہے۔
Importance of impact player's big knock in a big chase. Watch full video to understand the importance of both players like Babar Azam and Fakhar Zaman. pic.twitter.com/zCns6wK9xO
— Sana Mir ثناء میر (@mir_sana05) May 1, 2023
ان کا کہنا تھا کہ توازن قائم کرنے کے لیے جہاں ایک کھلاڑی استحکام فراہم کرتا ہے اور دوسرا اس کی تکمیل کرتا ہے اسی لیے میں ہمیشہ اس اہمیت پر زور دیتی ہوں کہ ایک کھلاڑی سنچری اسکور کرے اور 350 رنز کا تعاقب کرتے وقت اس کے اسٹرائیک ریٹ سے اوپر کھیلے۔
سابق کپتان نے کہا کہ رن اے بال کی شرح سے اسکور کرنے والے کھلاڑی بھی اہم ہوتے ہیں لیکن ایک ٹیم کو دوسرے کھلاڑیوں کی بھی ضرورت ہوتی ہے جو ایک بڑا ہدف حاصل کرنے کے لیے مؤثر انگز کے ساتھ اپنا حصہ ڈال سکیں۔
