شوبز انڈسٹری کی معروف اداکارہ ثنا نواز کی دلچسپ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ پر اداکارہ ثنا نواز نے ویڈیو شیئر کی جس میں وہ مزاحیہ انداز میں شکوہ کرتے دکھائی دے رہی ہیں۔
انہوں نے ویڈیو شیئر کرتے ہوئے مسکرانے کی ایموجیز بھی بنائیں۔
ویڈیو میں ثنا فخر کہتی ہیں کہ ’سنیں آپ مجھ سے بات کیوں نہیں کررہے، آپ میں کیا کمی ہے۔؟‘
اداکارہ نے چند گھنٹوں قبل ویڈیو شیئر کی جسے ہزاروں کی تعداد میں مداح دیکھ چکے ہیں اور ان کے لیے تعریفی کمنٹس بھی کررہے ہیں۔
اس سے قبل انسٹا گرام پر شیئر کی گئی ثنا نواز کی ویڈیو کافی وائرل ہوئی تھی جس میں ان کو کہتا سنا جاسکتا ہے کہ فنکار سرحدوں سے ماورا ہوتے ہیں، ان کا مقصد محبت اور مثبت پیغام پھیلانا ہوتا ہے۔
تاہم ثنا نواز کی ویڈیو پر انہیں مشی خان سمیت پاکستانیوں نے تنقید کا نشانہ بنایا ہے، پاکستانیوں نے اداکارہ کے اس بیان کو غیر ذمہ دارانہ اور قومی مفاد کے منافی قرار دیا۔
تاہم مشی خان نے کہا کہ اگر فنکار واقعی سرحدوں سے آزاد ہوتے تو آپ دنیا بھر میں بغیر پاسپورٹ کے گھوم رہیں ہوتیں؟ کیوں امیگریشن قوانین مانتی ہیں؟ پاسپورٹ کی لائن میں لگتی ہیں؟ پھر کیسے کہہ سکتی ہیں کہ فنکاروں کی کوئی سرحد نہیں؟
انہوں نے مزید کہا کہ یہ پرانے، گھسے پٹے بیانیے اب مت دہرائیں، آپکا مقصد محبت پھیلانا ہے ٹھیک، مگر جب آپ کے ملک کی خودمختاری پر بات ہو تب آپ کو واضح موقف اپنانا چاہیے، یہی وقت ہوتا ہے جب آپ کا ملک آپ سے وفاداری مانگتا ہے۔
