اسلام آباد : ٹک ٹاکر ثنا یوسف کے والد یوسف حسن کا بیٹی کے قتل کے حوالے سے اہم بیان آگیا۔
تفصیلات کے مطابق اسلام آباد میں قتل ہونے والی ٹک ٹاکر ثنا یوسف کے والد یوسف حسن نے بیان میں کہا کہ ان کی کسی سے کوئی دشمنی نہیں۔
یوسف حسن کا کہنا تھا کہ ملزم نے بیٹی کو کیوں مارا پولیس تحقیقات کرے، ہم امن پسند لوگ ہیں، حکومت سے انصاف کی امید ہے۔
یاد رہے گزشتہ روز وفاقی دارالحکومت اسلام آباد میں نوجوان نے ٹک ٹاکر خاتون کو گولیاں مار کر قتل کر دیا تھا۔
ابتدائی اطلاعات کے مطابق واقعہ تھانہ سنبل کی حدود میں پیش آیا ، ٹک ٹاکر کا تعلق چترال سے ہے۔
مزید پڑھیں : ثنا یوسف کا قتل کیسے ہوا؟ والدہ نے پوری تفصیل بتادی
بعد ازاں قتل کا مقدمہ مقتولہ کی والدہ کی مدعیت میں درج کیا گیا، والدہ نے بتایا تھا کہ پیر کی شام 5 بجے ملزم ہمارے گھرداخل ہوا اور فائرنگ کی، ثنا پر فائرنگ کرنےکےبعدملزم فرارہوا۔
مقدمے کے متن میں کہنا تھا کہ ثنا یوسف کو 2گولیاں لگیں، زخمی حالت میں اسپتال منتقل کیا تاہم ثناء زخمیوں کی تاب نہ لاتے ہوئے فوت ہوگئی۔
والدہ نے مزید کہنا تھا کہ ملزم کو سامنے آنے پر شناخت کرسکتے ہیں۔
