The news is by your side.

Advertisement

اداکارہ صنم جنگ نے اپنے مداحوں کو اچھی خبر دے دی

کراچی : مارننگ شو کی میزبان ، ٹی وی اداکارہ صنم جنگ اور ان کی ننھی صاحبزادی کورونا وائرس کا شکار ہونے کے بعد صحت یاب ہوگئیں، ان کا کہنا ہے کہ مداحوں کا شکریہ جن کی دعاؤں کی بدولت میں نے بیماری کو شکست دی۔

اس حوالے سے فوٹوشیئرنگ ایپ انسٹاگرام کی اسٹوری پر اپنی صحت یابی کی خبر دیتے ہوئے صنم جنگ نے اپنی11سالہ بیٹی کے ساتھ تصاویر بھی شیئر کیں جن میں دونوں ماں بیٹی خوشگوار موڈ میں نظر آرہی ہیں۔

انسٹاپوسٹ پرصنم نے اپنے فالوورز کا شکریہ ادا کرتے ہوئے اپنی اور بیٹی کی صحت کے حوالے سے بتاتے ہوئے لکھا کہ الحمداللہ میں اور الایا کوویڈ 19 سے صحت یاب ہوچکے ہیں اور دعاؤں پیار کیلئے آپ سب کا شکریہ ادا کرنا چاہتے ہیں۔

صنم جنگ نے لکھا کہ یہ پوسٹ آپ سب کو بتانے کیلئے ہے کہ ہم صحت مند ہیں، اس تمام عرصے میں مجھے بہت سی کالز

اور پیغامات موصول ہوئے میں ہمارے لیے دعا کرنے اور ساتھ دینے پر آپ سب کا شکریہ ادا کرنا چاہتی ہوں۔

اداکارہ اور ان کی بیٹی کی صحت یابی کی پوسٹ پر ان کے کئی مداحوں نے کمنٹس میں ان کے لیے نیک خواہشات کا اظہار کیا۔

واضح رہے کہ اداکارہ صنم جنگ نے رواں ماہ 14دسمبر کورونا وائرس میں مبتلا ہونے سے متعلق انسٹاگرام اسٹوری پر اپنے کوویڈ19ٹیسٹ کے مثبت آنے کی خبر دی تھی۔

صنم کا کہنا تھا کہ میں اپنے چاہنے والوں کو بتانا چاہتی ہوں کہ میرا کورونا وائرس کا ٹیسٹ مثبت آیا ہے لیکن اللہ کا شکر ہے کہ کورونا کی کوئی سنگین علامات ظاہر نہیں ہوئیں، اس کے باوجود میں نے خود کو بیٹی کے ہمراہ قرنطینہ کرلیا ہے۔

یاد رہے کہ اس سے قبل بھی متعدد شوبز سے وابستہ فنکار کورونا وائرس میں مبتلا ہوچکے ہیں اور بعد ازاں صحت یاب بھی ہوئے ان میں اداکارہ نیلم منیر، اداکار بہروز سبزواری، اداکار عثمان مختار، ماڈل و اداکارہ صحیفہ جبار، ندا یاسر، یاسر نواز، عامر لیاقت حسین، ان کی اہلیہ اداکارہ طوبیٰ عامر اور دیگر اداکار بھی کورونا سے 2 سے تین ہفتوں کے درمیان صحت یاب ہوچکے ہیں۔

Comments

یہ بھی پڑھیں