پاکستان شوبز انڈسٹری کی معروف اداکارہ، میزبان اور ماڈل صنم جنگ کے یہاں 8 سال بعد دوسری بیٹی کی پیدائش ہوئی ہے۔
فوٹو اینڈ شیئرنگ ایپ انسٹاگرام پر اداکارہ صنم جنگ نے خوشی کی خبر شیئر کی ہے جس میں انہوں نے بتایا کہ ان کے یہاں بیٹی کی ولادت ہوئی ہے۔
View this post on Instagram
اداکارہ صنم جنگ نے تصویر شیئر کرتے ہوئے بتایا کہ رواں ماہ کی 22 جولائی کو اُن کے یہاں دوسری بیٹی کی پیدائش ہوئی ہے جس کا نام اُن کی بڑی بیٹی عالایا نے ’علیزا ‘ رکھا ہے۔
کیپشن میں انہوں نے مداحوں سے ان کی فیملی کو دعاؤں میں یاد رکھنے کی اپیل بھی کی۔
View this post on Instagram
واضح رہے کہ اداکارہ کی بیٹی کی پیدائش امریکی ریاست ٹیکساس کے شہر ہیوسٹن میں ہوئی جہاں وہ اپنے شوہر کے ساتھ قیام پذیر ہیں، صنم جنگ شوبز انڈسٹری کی کامیاب اداکارہ و میزبان ہیں جنہوں نے 2010 میں اپنے شوبز کیریئر کا آغاز کیا تھا۔
36 سالہ اداکارہ صنم جنگ نے ایک پیشہ ور پائلٹ سید عبد القسام جعفری سے 2016 میں شادی کی تھی، اس خوبصورت جوڑی کی ایک 8 سالہ بیٹی بھی ہے جس کا نام عالایا ہے۔
