The news is by your side.

Advertisement

دنیا کے 27 ممالک کا روس کیخلاف بڑا اعلان

ماسکو : کریملن کے سخت ناقد الیکسی ناوالنی کو مبینہ طور پر زہر دینے کے معاملے پر روس کو مشکلات کا سامنا کرنا پڑسکتا ہے، 27ممالک نے متحد ہوکر روس کیخلاف بڑا ایکشن لے لیا۔

یورپی یونین کے 27 ممالک کے سفیروں نے روسی بلاگر الیکسی ناوالنی کی صورتحال کے پیش نظر روس مخالف مزید پابندیوں پراتفاق کیا ہے۔

پریس کے مطابق یورپی مستقل نمائندوں نے الیکسی ناوالنی فیصلے کے ذمہ دار افراد کے خلاف انسانی حقوق کی پامالی کا الزام عائد کرتے ہوئے پابندیاں عائد کردیں۔

ذرائع نے مزید کہا کہ اس فیصلے کی جلد ہی یورپی کونسل توثیق کردے گی اور سرکاری جریدے میں شائع ہونے کے بعد روس پر از خود نئی پابندیاں نافذ ہوجائیں گی۔

واضح رہے کہ22 فروری کو یورپی یونین کے وزارتی اجلاس میں روس کے خلاف مزید پابندیوں کے بارے میں ایک سیاسی فیصلے پر اتفاق کیا گیا تھا۔

یورپی یونین کی خارجہ پالیسی کے سربراہ جوزپ بورریل نے کہا کہ الیکسی ناوالنی واقعہ کے بعد پہلی بار انسانی حقوق کی پابندیوں کے تحت روس پر پابندیاں عائد کی گئی ہیں۔

علاوہ ازیں غیر ملکی خبر رساں ادارے کے مطابق گزشتہ روز ایک امریکی عہدیدار نے نام ظاہر نہ کرنے کی شرط پر بتایا تھا کہ واشنگٹن روس کے خلاف امریکی جمہوریت پر مسلسل حملوں، سائبر حملوں اور افغانستان میں امریکی فوجیوں کے سروں کی قیمت لگانے جیسے معاملات کو سامنے رکھتے ہوئے ماسکو کے خلاف پابندی عائد کرنے کے لیے ایک ایگزیکٹیو آرڈر جاری کر سکتا ہے۔

Comments

یہ بھی پڑھیں