قومی کرکٹر شعیب ملک کی اہلیہ اور بھارتی ٹینس اسٹار ثانیہ مرزا کی دلچسپ ویڈیو سوشل میڈیا پر وائرل ہوگئی۔
قومی کرکٹر شعیب ملک کی اہلیہ ثانیہ مرزا اپنے مداحوں کے ساتھ سوشل میڈیا پر اکثر ہی خوبصورت تصاویر اور مزاحیہ ویڈیوز شیئر کرتی رہتی ہیں جسے ان کے مداحوں کی جانب سے بھی پسند کیا جاتا ہے۔
انہوں نے حال ہی میں فوٹو اینڈ ویڈیو شیئرنگ ایپ انسٹاگرام پر کچھ نئی پوسٹس شیئر کی ہیں۔
ثانیہ مرزا نے پہلی انسٹا گرام پوسٹ میں اپنی ایک تصویر شیئر کی ہے جس میں وہ میک اپ کرتے ہوئے نظر آ رہی ہیں۔
ثانیہ مرزا نے ایک مزاحیہ ویڈیو شیئر کی ہے جس کے آغاز میں اُنہیں ایک سافٹ ڈرنک پیتے دیکھا جاسکتا ہے اور پھر بیک گراؤنڈ میں ایک آواز سنائی دیتی ہے کہ آپ یونیفارم میں کیوں نہیں ہیں؟ جس کے بعد وہ فوری تیار ہو کر آ جاتی ہیں۔
سوشل میڈیا پر ثانیہ مرزا کی ان پوسٹس کو بہت پسند کیا جارہا ہے اور دلچسپ تبصرے بھی کیے جارہے ہیں۔
واضح رہے کہ گزشتہ دنوں بھی ثانیہ مرزا نے بیٹے اذہان مرزا ملک کے ساتھ تصویر شیئر کی تھی جسے مداحوں کی جانب سے خوب سراہا گیا تھا۔
