بھارت کی سابقہ ٹینس اسٹار ثانیہ مرزا نے اپنے والد عمران مرزا اور بہن انعم مرزا کے ہمراہ حج کی سعادت حاصل کرنے کے بعد اپنے وطن واپس پہنچ گئیں۔
فوٹو اینڈ شیئرنگ ایپ انسٹاگرام پر ثانیہ مرزا کی والدہ نے شوہر اور بیٹیوں کی حج سے واپسی پر ایئرپورٹ پر بنائی گئی تصویر شیئر کی ہے ساتھ ہی انہوں نے حج کی مبارکباد دیتے ہوئے گھر پر خوش آمدید کہا۔
View this post on Instagram
ثانیہ مرزا آج صبح کی فلائٹ سے اپنی فیملی کے ہمراہ واپس اپنے گھر پہنچی ہیں، تصویر میں ثانیہ مرزا، اُن کے والد، بہن اور بہنوئی کو اس خوشی کے موقع پر ہار پہنے ہوئے دیکھا جا سکتا ہے۔
قابل ذکر بات یہ ہے کہ ثانیہ مرزا نے اس ماہ کے شروع میں اپنے انسٹاگرام کے ذریعے اعلان کیا تھا کہ وہ اس سال حج کے مقدس سفر کا آغاز کرنے والی ہیں، ان کے ساتھ ان کے والد عمران مرزا کے علاوہ ان کی بہن انعم اور ان کے شوہر کرکٹر محمد اسد الدین بھی موجود تھے۔
View this post on Instagram
سوشل صارفین کی جانب سے اس پوسٹ کو خوب پسند کیا جارہا ہے اور مشہور شخصیات کو ان کی زیارت مکمل کرنے پر مبارکباد دی جارہی ہے۔
