سابق بھارتی ٹینس اسٹار اور قومی کرکٹر شعیب ملک کی سابقہ اہلیہ ثانیہ مرزا نے رمضان المبارک کی مناسبت سے اہم پیغام شیئر کردیا۔
فوٹو اور ویڈیو شیئرنگ ایپ انسٹاگرام اسٹوری میں سابق بھارتی ٹینس اسٹار ثانیہ مرزا نے لکھا کہ روزہ صرف کھانے پینے سے روکنے کا نام نہیں ہے بلکہ ہر قسم کے منفی جذبات سے خود کو دور رکھنے کا بھی ایک عزم ہے۔
ثانیہ مرزا نے پوسٹ میں غصہ، انا، نفرت، ضد، تکبر، جہالت، خود پرستی، منافقت، بے ایمانی، تشدد، حسد اور خود غرضی سے پرہیز کرنے کی اہمیت کو اجاگر کیا۔
انہوں نے گزشتہ روز یہ اسٹوری شیئر کی جسے ان کے مداحوں کی جانب سے خوب سراہا جارہا ہے اور اس پر تعریفی کمنٹس بھی کیے جارہے ہیں۔
ثانیہ مرزا سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
انہوں نے اس سے قبل بھی سفید لباس میں فوٹو شوٹ کی تصاویر شیئر کی تھیں جو وائرل ہوگئی تھیں۔
View this post on Instagram
واضح رہے کہ ثانیہ مرزا اور شعیب ملک کے درمیان علیحدگی کی تصدیق اس وقت ہوئی تھی جب شعیب ملک نے ثنا جاوید سے دوسری شادی کرلی تھی۔
مرزا خاندان نے تصدیق کی تھی کہ دونوں مہینوں پہلے الگ ہو گئے تھے اور ثانیہ نے شعیب سے خلع لی تھی، ثانیہ اور شعیب کا ایک بیٹا اذہان مرزا ملک ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں