قومی کرکٹ ٹیم کے کھلاڑی شعیب ملک کی اہلیہ ثانیہ مرزا کا گھر والوں نے شاندار استقبال کیا۔ اس موقع کی تصاویر اور ویڈیوز سوشل میڈیا پر وائرل ہوگئیں۔
ثانیہ مرزا نے دو روز قبل ٹینس کی دنیا کو ہمیشہ کے لیے الوداع کہہ دیا۔ انہوں نے آسٹریلین اوپن ٹینس چیمپئن شپ کا فائنل کھیلا اور میچ کے اختتام پر گفتگو کرتے ہوئے آبدیدہ ہوگئیں۔
ان کا کہنا تھا کہ ’میرا پروفیشنل کیریئر میلبرن سے شروع ہوا اور ختم کرنے کے لیے اس سے اچھے ارینا کا سوچ بھی نہیں سکتی تھی۔‘
"Sorry guys…" 🥹❤️
Indian doubles legend Sania Mirza was overcome with emotion as she bowed out of grand slam tennis. Congrats on an incredible career! 👏👏
🖥️ #AusOpen LIVE | https://t.co/80XjQpwd6J#9WWOS #Tennis pic.twitter.com/9LKc8bXDMF
— Wide World of Sports (@wwos) January 27, 2023
ثانیہ مرزا نے آج انسٹاگرام پر کچھ تصاویر اور ویڈیوز شیئر کیں جن میں دیکھا جا سکتا ہے کہ دبئی میں ان کے اہل خانہ ٹینس اسٹار کا شاندار استقبال کیا۔
تصاویر اور ویڈیوز کو شیئر کرتے ہوئے ثانیہ مرزا نے لکھا کہ جب آپ گھر پہنچ کر محسوس کرتے ہیں کہ آپ کے پاس دنیا کے بہترین دوست اور فیملی ہیں۔
View this post on Instagram
ان کی انسٹاگرام پوسٹ پر جہاں مداح اپنے تاثرات کا اظہار کر رہے ہیں وہیں معروف بھارتی فلم ہدایتکار فرح خان نے بھی ردعمل دیا۔
فرح خان نے لکھا کہ ’کیا زبردست استقبال ہے، مجھے وہاں موجود ہونا چاہیے تھا۔‘