اسلام آباد: وزیراعظم کی معاون خصوصی ڈاکٹر ثانیہ نشتر نے احساس کیش پروگرام کے حوالے سے پوچھے گئے سوالات کا جواب دے دیا۔
تفصیلات کے مطابق سماجی رابطے کی ویب سائٹ ٹویٹر پر ڈاکٹر ثانیہ نشتر نے احساس کیش پروگرام سے متعلق پیش آنے والے مسائل کا ذکر کرنے کے ساتھ ان کے حل سے متعلق مفید معلومات بھی شیئر کیں۔
وزیراعظم کی معاون خصوصی کا کہنا تھا کہ آپ کسی ضرورت مند کو جانتے ہیں جسے احساس کیش ی ضرورت ہے تو اس 8171 پر شناختی کارڈ نمبر بھجیں، ایس ایم ایس کی آخری تاریخ 19 اپریل کی رات 12 بجے تک ہے۔
سوشل میڈیا اکاؤنٹس پر آپ کے سوالات کا جائزہ لیتے ہوئے ہم نے آپ کی آسانی کے لیئے کچھ معلومات مرتب کی ہیں۔ اگر آپ کو احساس ایمرجنسی کیش امداد کی ضرورت ہے یا کسی ضرورتمند شخص کو جانتے ہیں تو 8171 پر شناختی کارڈنمبر بھیجیں۔ ایس ایم ایس بھیجنے کی آخری تاریخ 19اپریل رات12 بجے تک ہے۔1/8 pic.twitter.com/k84nk0QAP2
— Sania Nishtar (@SaniaNishtar) April 16, 2020
انہوں نے بتایا کہ اگر آپ کو احساس کیش کی ضرورت ہے یا آپ کسی مستحق کو جانتے ہو تو 8171 پر شناختی کارڈ نمبر بھیجیں اور اگر آپ کو ایس ایم ایس موصول جس میں اہلیت اور کوائف کی جانچ پڑتال کے بارے میں بتایا جائے تو دوسرے ایس ایم ایس کا انتظار کریں جو 8171 سے آپ کو 10 دن کے اندر موصول ہوگا۔
اگر آپکواحساس ایمرجنسی کیش کا یہ ایس ایم ایس موصول ہوا ہے کہ آپ کو اہلیت کے بارے میں کوائف کی جانچ پڑتال کے بعد مطلع کیا جائے گا تو آپ ہماری جانب سے دوسرے ایس ایم ایس کا انتظار کیجیئے جو آپکو 8171 سے اگلے دس دن کے اندر موصول ہوگا۔2/8 pic.twitter.com/qovEAIPrHw
— Sania Nishtar (@SaniaNishtar) April 16, 2020
ڈاکٹر ثانیہ نشتر کے مطابق اگر آپ کو احساس کیش پروگرام کی جانب سے اپنے والدین یا شریک حیات کی اہلیت کا پیغام موصول ہو اور ان کا انتقال ہوچکا ہے تو اس سے متعلق آپ 080026477 پر رابطہ کریں۔
احساس ایمرجنسی کیش کی جانب سے اگر آپ کو اپنے والدین یا شریک حیات کی اہلیت کا پیغام موصول ہوا ہے اورانکی وفات ہو چکی ہے تو آپ080026477 پر رابطہ کریں۔مرحومین کے نام اہلیت کے جاری کردہ پیغام کی بنیادی وجہ یہ ہے کہ انکے ورثاء نے نادرا کے ریکارڈ میں اموات کا اندراج نہیں کروایا۔3/8
— Sania Nishtar (@SaniaNishtar) April 16, 2020
انہوں نے بتایا کہ مرحومین کے نام اہلیت کا پیغام جاری ہونے کی وجہ ان کے ورثا کی جانب سے نادرا میں اموات کا اندراج نہ کروانا ہے۔
وزیراعظم کی معاون خصوصی نے بتایا کہ اگر ادائیگی کے وقت آپ کی بائیو میٹرک تصدیق نہیں تو آپ کو نادرا کے قریبی دفتر سے تصدیق کروانی ہوگی، اس کے لیے نادرا کے دفاتر کھلوائے جائیں گے۔ انہوں نے کہا کہ اگر کسی کا شناختی کارڈ زائد المعیاد ہے تو وہ پرانے شناختی کارڈ پر رقم وصول کرسکتا ہے۔
اگر ادائیگی کے وقت آپکی انگلیوں کے نشانات کی بائیومیٹرک تصدیق نہیں ہوتی تو آپکو نادرا کے قریبی دفتر سے تصدیق کروانی ہوگی۔ آپ کی سہولت کیلیئے نادرا کے دفاترکھلوائے جائیں گے۔4/8
— Sania Nishtar (@SaniaNishtar) April 16, 2020
جن افراد کے شناختی کارڈ یکم ستمبر2019 کے بعد زائدالمیعاد ہو چکے ہیں وہ اپنے پرانے شناختی کارڈ کی بنیاد پر رقم وصول کر سکتے ہیں۔5/8
— Sania Nishtar (@SaniaNishtar) April 16, 2020
انہوں نے واضح کیا کہ صوبہ پنجاب، سندھ اور بلوچستان میں حبیب بینک کے نامزد ریٹیلرز جبکہ خیبرپختونخوا، گلگت بلتستان اور آزاد کشمیر میں بینک الفلاح کے نامزد ریٹیلرز سے رقوم وصول کی جاسکتی ہیں۔
یادرکھیئے پنجاب، سندھ اور بلوچستان میں آپ حبیب بنک کے نامزد ریٹیلرز کے ذریعے جبکہ خیبرپختونخواہ، گلگت بلتستان اور آزاد کشمیر میں آپ بنک الفلاح کے نامزد ریٹیلرز سے رقوم وصول کر سکتے ہیں۔6/8
— Sania Nishtar (@SaniaNishtar) April 16, 2020
ڈاکٹر ثانیہ نشتر کا کہنا تھا کہ ایسے افراد جن کے شناختی کارڈ پر درج پتہ ان کی موجودہ رہائش گاہ کے پتے سے مختلف ہے تو وہ ادائیگی کے لیے نامزد بینکوں میں ایس ایم ایس دکھا کر بائیو میٹرک تصدیق کے بعد رقم وصول کرسکتے ہیں۔
اگر آپ ایسے ضلع یا صوبہ میں مقیم ہیں جو آپکے شناختی کارڈپر درج پتے سے مختلف ہے تو آپ ادائیگی کیلیئے نامزد بنکوں سے کسی بھی دوسرے ضلع یا صوبے میں ادائیگی کا ایس ایم ایس دکھا کر بائیومیٹرک تصدیق کے ذریعے رقم وصول کرنے کی معلومات حاصل کر سکتے ہیں۔7/8
— Sania Nishtar (@SaniaNishtar) April 16, 2020
وزیراعظم کی معاون خصوصی کی جانب سے جاری پیغام میں بتایا گیا کہ مثال کے طور پر آپ کے شناختی کارڈ کا پتہ خیبرپختونخوا کا ہے اور آپ اس وقت کراچی میں تو آپ بینک الفلاح کی کسی بھی برانچ میں جا کر پیسے نکالنے کی معلومات حاصل کر سکتے ہیں۔
………مثال کے طور پر اگر آپ کے شناختی کارڈ کا پتہ خیبر پختونخواہ کا ہے اور آپ اس وقت کراچی میں ہیں تو آپ بنک الفلاح کی کسی بھی برانچ میں جا کر کراچی میں پیسے نکالنے کی معلومات حاصل کر سکتے ہیں۔8/8
— Sania Nishtar (@SaniaNishtar) April 16, 2020
