site
stats
اہم ترین

سانحہ بلدیہ فیکٹری : جرمن کمپنی متاثرین کو 51 لاکھ ڈالرادا کرے گی

کراچی : سانحہ بلدیہ ٹاؤن فیکٹری کے متاثرین کی داد رسی اور ان کی مالی معاونت کیلئے جرمن کمپنی اور پاکستانی اداروں کے درمیان ایک معاہدہ طے پا گیا ہے۔

تفصیلات کے مطابق کراچی کی بلدیہ ٹاؤن کی فیکٹری میں چارسال قبل پیش آنے والے سانحہ کے زخمیوں اور ہلاک ہونے والے 250 مزدروں کے لواحقین کو 51 لاکھ ڈالر (تریپن کروڑ بیس لاکھ ستاون ہزار روپے ) سے زائد زرتلافی دینے کے لیے سمجھوتہ طے پا گیا ہے۔

BALDIA POST 1

مذکورہ معاہدہ جرمن حکومت کی درخواست پر متعلقہ کمپنی سے طے پایا ہے۔ برطانوی نشریاتی ادارے بی بی سی کے مطابق معاہدے میں نذرآتش کی جانے والی علی انٹر پرائزز میں جاں بحق اور زخمی ہونے والے افراد کے لواحقین اورورثاء کو جرمن کمپنی کک ہرجانہ ادا کرے گی۔

BALDIA POST 2

کک نامی کمپنی کراچی کے بلدیہ ٹاؤن علاقے میں واقع کارخانے علی انٹرپرائزز کے مال کی بڑی خریدار تھی۔

مزدوروں کے حقوق کے لیے کام کرنے والے کلین کلاتھ کیمپین نامی ادارے کی جانب سے موصول ہونے والی پریس ریلیز کے مطابق یہ معاہدہ ہفتے کو طے پایا۔

BALDIA POST 3

معاوضے کی ادائیگی کے لیے مذاکرات میں نیشنل ٹریڈ یونین فیڈریشن اور مزدوروں کے حقوق کے لیے کام کرنے والی غیرسرکاری تنظیموں نے حصہ لیا۔

سا نحہ ٔبلدیہ فیکٹری کو چارسال مکمل‘ وزیراعلیٰ سندھ نے رپورٹ طلب کرلی

یاد رہے کہ رواں برس فروری میں بلدیہ ٹاؤن کی فیکٹری میں آتشزدگی کے واقعے کی مشترکہ تحقیقاتی ٹیم کی رپورٹ میں کہا گیا تھا کہ فیکٹری میں لگائی جانے والی آگ حادثاتی طور پر نہیں بلکہ منصوبہ بندی کے تحت شر انگیزی اور دہشت گرد کارروائی تھی۔

Baldia-post-1

اس سے قبل سال 2012 میں حادثے کے فوراً بعد کک کی جانب سے دس لاکھ ڈالر کی امدای رقم جاری کی گئی تھی۔ جسے پاکستان میں مزدور یونینوں نے انتہائی قلیل قرار دیا تھا۔ یہ رقم اس کے علاوہ ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top