27.9 C
Ashburn
بدھ, مئی 22, 2024
اشتہار

خاکروب نے فرض شناسی کی مثال قائم کردی

اشتہار

حیرت انگیز

کراچی : سول ایوی ایشن کے خاکروب نے فرض شناسی کی مثال قائم کردی، ایئر پورٹ سے ملنے والی نقد رقم اور زیورات متعلقہ حکام کے حوالے کردیے۔

اس حوالے سے سی اے اے ترجمان کا کہنا ہے کہ سی اے اے سینی ٹیشن ورکر نے فرض شناسی کا مظاہرہ کرتے ہوئے ہوائی اڈے سے ملنے والی نقدی اور زیورات حکام کے حوالے کردیے۔

ترجمان کے مطابق فرض شناسی کا یہ مظاہرہ اجلال مسیح نے پشاور باچا خان انٹرنیشنل ایئرپورٹ پر کیا، بحرین اور ابوظہبی سے پروازیں آنے کے بعد اجلال کو صبح سویرے کسٹم کاؤنٹر کے قریب سے ایک پرس اور دو انگوٹھیاں ملی تھیں۔

- Advertisement -

اجلال مسیح نے ان قیمتی اشیاء کو فوری طور پر سپروائزر امین کے حوالے کیا، جس کے بعد سپروائزر امین نے ان اشیاء کو کاؤنٹر پر ایئرپورٹ حکام کے حوالے کردیا۔

سی اے اے ترجمان نے بتایا کہ بعد ازاں مذکورہ پرس کو ڈیوٹی ٹرمینل منیجر، ڈیوٹی فیسی لیٹیشن آفیسر اور ڈیوٹی ویجیلنس آفیسر اور اے ایس ایف کے عملے کی موجودگی میں کھولا گیا۔

پرس میں 8050 سعودی ریال تھے جس کی مالیت تقریباً پانچ لاکھ اٹھاسی ہزار پاکستانی روپے کے برابر ہے ایئرپورٹ منیجر کے دفتر میں اجلال مسیح کی ایمانداری کے عمل کو ہر شخص نے سراہا،

ترجمان سول ایوی ایشن کا کہنا ہے کہ ائرپورٹ منیجر کے دفتر میں ان قیمتی اشیاء اور رقم کو ان کے حقیقی مالک سے رابطے کے بعد اس کے حوالے کردیا گیا۔

Comments

اہم ترین

محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں

مزید خبریں