بالی ووڈ کے ایکشن ہیرو سنجے دت نے کنڑ فلم ’کے ڈی‘ کی شوٹنگ کے دوران زخمی ہونے کی خبروں کی تردید کردی۔
سماجی رابطے کی ویب سائٹ ٹوئٹر پر بالی ووڈ کے معروف اداکار سنجے دت نے لکھا کہ ’ایسی خبریں ہیں کہ میں زخمی ہوا ہوں، میں مداحوں کو یقین دلانا چاہتا ہوں کہ یہ خبریں بے بنیاد ہیں۔
سنجو بابا نے کہا کہ ’میں خیریت سے ہوں، فلم کے ڈی کی عکسبندی میں مصروف ہوں اور اس کی ٹیم میرے مناظر فلمانے کے دوران بہت احتیاط سے کام لیتی ہے۔
There are reports of me getting injured. I want to reassure everyone that they are completely baseless. By God’s grace, I am fine & healthy. I am shooting for the film KD & the team's been extra careful while filming my scenes. Thank you everyone for reaching out & your concern.
— Sanjay Dutt (@duttsanjay) April 12, 2023
واضح رہے کہ اس سے قبل بھارتی میڈیا نے دعویٰ کیا تھا کہ سنجے دت ’کے ڈی‘ فلم میں بم دھماکے کا سین فلمانے کے دوران زخمی ہوگئے ہیں اور انہیں شدید چوٹیں آئی ہیں۔
کے جی ایف کے دوسرے حصے کی شاندار کامیابی کے بعد سنجے دت ہدایت کار پریم کی فلم کے ڈی – دی ڈیول میں اداکاری کے جوہر دکھائیں گے۔
اس فلم کے بارے میں گفتگوکرتے ہوئے 63 سالہ اداکار نے کہا تھا کہ کے جی ایف کے بعد اس فلم میں کام کرتے ہوئے بھی میں بہت لطف اندوز ہورہا ہوں۔
سنجو بابا کا کہنا تھا کہ یوں لگتا ہے کہ اب میں ساؤتھ انڈین انڈسٹری میں زیادہ مصروف رہوں گا۔
