بالی ووڈ کے معروف اداکار سنجے دت کے اثاثوں کی تفصیلات سامنے آگئیں۔
سنجو بابا آج 29 جولائی کو اہنی 65ویں سالگرہ منا رہے ہیں، سنجے دت کا شمار بالی ووڈ کے صف اول کے اداکاروں میں ہوتا ہے، انہوں نے انڈسٹری کو کئی سپر ہٹ فلمیں دی اور ہر طرح کے کردار کو بخوبی نبھایا۔
بھارتی میڈیا رپورٹس کے مطابق سنجو بابا پرتعیش زندگی گزارتے ہیں، اداکار لگژری گاڑیوں کے شوقین ہیں، ان کے اثاثوں کی مالیت 250 کروڑ بھارتی روپے ہے۔
- Advertisement -
بھارتی میڈیا کا بتانا ہے کہ اداکار کے پاس ممبئی کے پوش علاقے پالی ہل میں ایک بڑا اپارٹمنٹ، لگژری گاڑیوں میں رولز روئس، رینج روور، فراری، اوڈی اور بی ایم ڈبلیو شامل ہیں جن کی مالیت کروڑوں میں ہے۔
اس کے علاوہ وہ یاٹ کے بھی مالک ہیں جن میں دوستوں کے ساتھ گھومتے ہیں، ان کے پاس لگژری گھڑیاں، ڈیزائنر چشمے اور قیمتی زیورات بھی ہیں۔
