لاہور: سابق چیف جسٹس پاکستان جسٹس (ر) ثاقب نثار کی رہائش گاہ کے گیراج میں دھماکا ہوا ہے۔
ثاقب نثار کی رہائش گاہ کے گیراج میں دھماکے سے گھر کی کھڑکیوں کے شیشے ٹوٹ گئے۔ واقعے کی اطلاع ملتے ہی پولیس سابق چیف جسٹس کے گھر پہنچ گئی۔
ذرائع نے بتایا کہ ثاقب نثار اور ان کی فیملی گارڈن ٹاؤن میں واقع گھر میں موجود تھی، سابق چیف جسٹس کے بیٹے کو دو بار دھمکیاں مل چکی ہیں۔
متعلقہ: سابق چیف جسٹس ثاقب نثار کے بیٹے کی بھی مبینہ آڈیو سامنے آگئی
لاہور: سابق چیف جسٹس ثاقب نثار کے گھر کے گیراج میں دھماکا#ARYNews #SaqibNisar pic.twitter.com/pjqnuzJu6l
— ARY NEWS (@ARYNEWSOFFICIAL) December 20, 2023
واقعے پر ردعمل دیتے ہوئے ثاقب نثار نے کہا کہ ہم سب گھر والے خیریت سے ہیں، گھر کے اندر کسی نے کوئی چیز پھینکی جس سے گاڑی تباہ ہوگئی۔
سابق چیف جسٹس نے کہا کہ باہر کھڑے گارڈ اور ملازمین معمولی زخمی ہوئے، ابھی یہ معلوم نہیں کہ کیا چیز اندر پھینکی گئی، پولیس تفتیش کے بعد ہی کچھ کہا جا سکتا ہے۔
انہوں نے کہا کہ امید ہے جلد ذمہ دار پکڑے جائیں گے، تفتیش سے ہی پتا چلے گا کہ کس نے دھماکا کیا اور کیا مقصد تھا۔