لاہور: اے آر وائی کے پروگرام سرعام کی ٹیم اور رضا کاروں نے 71ویں یوم آزادی سے قبل ملک بھر میں چودہ لاکھ درخت لگانے کی مہم کا آغاز کردیا۔
تفصیلات کے مطابق اے آر وائی نیوز کے معروف پروگرام ’’ سرعام ‘‘ کے اینکر اور سینئر صحافی اقرار الحسن اور اُن کی ٹیم نے چودہ اگست سے تک ملک کو 14 لاکھ درخت دینے کے عزم کا بیڑہ اٹھایا۔
سرعام کی ٹیم اور ملک کے مختلف علاقوں میں بسنے والے لاکھوں رضا کاروں نے اپنی مدد آپ کے تحت درخت لگانے کی مہم کا آغاز کردیا، اقرار الحسن شہر شہر شجر کاری مہم کا پیغام پہنچائیں گے۔
اقرار الحسن نے قوم اور سرعام کی ٹیم کو پیغام دیا ہے کہ ’پاکستان کو مستحکم اور عالی شان بنانے کے لیے اس چودہ اگست تک 14 لاکھ درخت لگائیں اورپاکستان کو سرسبز و شاداب بنائیں‘۔
#TeamSareAam is starting it’s 1.4 million Trees Campaign for 14th August with these amazing pictures. Our Team Member Sajjad in a small city of Jatoi (Muzaffargarh) planted 15 Trees on his own… Let’s do it Janbazaan-e-Pakistan 💚💚🇵🇰#سبزپاکستان pic.twitter.com/yh188Ihc1o
— Iqrar ul Hassan Syed (@iqrarulhassan) August 1, 2018
مظفر گڑھ کی تحصیل جتوئی میں سرعام ٹیم کے معذور ممبرز نے پندرہ درخت لگاکر مہم کا آغاز کیا۔ شجر کاری مہم میں یونیورسٹی، کالجز اور مدارس کے طلبا بڑھ چڑھ کر حصہ لے رہے ہیں۔
سرِعام کی ٹیم کی جانب سے14اگست تک 14لاکھ درخت لگانےکی مہم کا آغاز ہوچکا۔ ہم پاکستان کی بقاء کایہ اہم پیغام یونیورسٹیز اور کالجز کے ساتھ ساتھ مدارس تک بھی پہنچا رہے ہیں۔اسی سلسلے میں سرِعام کی ٹیم آج جامعۂ ابی بکر السلامیہ پہنچی۔ یہ طلباء پاکستانیت میں کسی سے کم نہیں#سبزپاکستان pic.twitter.com/YpuZAVLf1S
— Iqrar ul Hassan Syed (@iqrarulhassan) August 1, 2018
مہم کے پہلے روز جامعہ ابوبکر السلامیہ اور ہمدرد یونیورسٹی کراچی کے طلباء اور اساتذہ نے اقرارلحسن کے ساتھ کیمپس میں درخت لگائے اور ملک کو سرسبز بنانے میں اپنا حصہ ڈالا۔
یکم اگست سے 14اگست تک 14 لاکھ درخت لگانے کی ٹیم سرِعام کی مہم کے پہلے روز ہم جامعہ ابوبکر کے بعد ہمدرد یونیورسٹی بھی گئے۔ کچھ درخت لگائے اور آئندہ دنوں میں وائس چانسلر ڈاکٹر شبیب نے کیمپس میں چھ ہزار درخت لگانے کے عزم کا اظہار کیا۔ #سبزپاکستان pic.twitter.com/FHqzYUObhN
— Iqrar ul Hassan Syed (@iqrarulhassan) August 1, 2018
سرعام ٹیم کے منتظمین نے عوام کے نام پیغام جاری کیا ہے کہ شجر کاری مہم میں حصہ لینے کے لیے درخت لگاتے ہوئے اپنی تصویر سرعام کی ویب سائٹ پر شیئر کریں علاوہ ازیں ممبر بننے کے لیے نام، عمر اور شہر کی تفصیل 8875 پر میسج کریں۔
