بھارتی میڈیا کا دعویٰ ہے کہ سارہ علی خان کی منگنی کاروباری شخصیت سے ہوچکی ہے اور وہ رواں سال شادی کے بندھن میں بندھ جائیں گی۔
بھارتی میڈیا رپورٹس میں کہا گیا ہے کہ اداکارہ سارہ علی خان اپنی آنے والی فلم ’میٹرو ان دںو‘ کی شوٹنگ میں مصروف ہیں اور انہوں نے اس فلم کے بعد کوئی نیا پروجیکٹ سائن نہیں کیا کیونکہ وہ جلد ہی شادی کرنے والی ہیں۔
رپورٹس میں ریڈٹ صارف کا حوالہ دے کر دعویٰ کیا گیا ہے کہ سارہ علی خان نے کاروباری شخص سے منگنی کرلی ہے۔
پوسٹ پر ردعمل دیتے ہوئے ایک صارف نے لکھا کہ ’کچھ دن پہلے بھی سارہ کی ٹیم میں سے کسی کو جاننے کا دعویٰ کرتے ہوئے یہ کہا گیا تھا کہ سارہ نے کاروباری شخص سے منگنی کرلی ہے۔
ایک صارف نے سارہ کی پھوپھو صبا پٹودی کا اسکرین شاٹ شیئر کیا جس میں انہوں نے لکھا تھا کہ ’چلو تمہاری شادی کروادیتے ہیں۔‘
واضح رہے کہ اس سے قبل سارہ علی خان کی ساتھی اداکار سشانت سنگھ راجپوت، کارتک آریان، آدیتیہ رائے کپور، ویر پہاڑیہ اور کرکٹر شبھمن گل کے ساتھ تعلقات کی خبریں گردش کرچکی ہیں۔
کام کے محاذ پر سارہ خان کی آنے والی فلموں میں میٹرو ان دنو، اسکائی فورس اور ایگل شامل ہیں۔
