پاکستانی خوبرو اداکارہ سارہ عمیر نے انکشاف کیا ہے کہ وہ گئی تو ڈراموں کے آڈیشن کے لیے تھیں مگر پہلی نظر میں ہی انھیں پروڈیوسر بھا گئے اور بعد میں انہی سے شادی بھی ہو گئی.
پاکستانی اداکارہ سارہ عمیر یوں تو اسکرین پر کم نظر آتی ہیں مگر وہ اپنی اداکاری اور خوبصورتی کی وجہ سے ٹی وی ڈارموں کے ناظرین میں ایک خاص مقام رکھتی ہیں۔
سارہ کے معروف ڈراموں میں ’مائی نی، تھوڑا سا آسمان اور روگ‘ سمیت دیگر شامل ہیں، اس کے علاوہ وہ نجی پروڈکشن ہائوسز کے ڈراموں بھی بھی اداکاری کے جوہر دکھا چکی ہیں، تاہم حالیہ چند سالوں کے دوران وہ ڈراموں سے دور ہیں۔
اداکارہ نے انتہائی کم عمری سے اداکاری کا آغاز کیا تھا جبکہ وہ پاکستان ٹیلی وژن میں بھی اپنی صلاحیتوں کا اظہار کرچکی ہیں، کئی سالوں تک اسکرین سے غائب رہنے کے بعد کچھ دنوں پہلے انھوں نے ایک ٹی وی پروگرام میں شرکت کی۔
اداکارہ کے مطابق انھوں نے شوہر کی محبت میں گھرداری سیکھی، اس مصروفیت کے بعد شوبز میں آنے کا سوچا تو امید سے ہو گئیں، انھوں نے اپنی ٹین ایج سے 29 سال کی عمر تک مسلسل کام کیا ہے۔ اداکارہ نے بتایا کہ اب ان کے دو بچے ہیں اور حال ہی میں انھوں نے ایک ڈرامے کی شوٹ مکمل کی ہے جو جلد ہی نشر بھی کیا جائےگا، شوہر نے انھیں کبھی اداکاری کرنے سے نہیں روکا۔
