دلجیت دوسانجھ اور ہانیہ عامر کی فلم ’سردار جی 3‘ کا ٹریلر بھارت میں یوٹیوب پر بلاک کردیا گیا۔
پاکستان کی مشہور ماڈل اور اداکارہ ہانیہ عامر نے اپنی آنے والی پنجابی فلم ’سردار جی 3‘ کا ٹریلر سوشل میڈیا پر شیئر کیا جس میں انہوں نے انڈین گلوکار و اداکار دلجیت دوسانجھ کے ساتھ کام کیا ہے۔
’سردار جی 3‘ کے ٹریلر کو گزشتہ روز ریلیز کیا گیا جسے مداحوں کی جانب سے بھرپور پذیرائی ملی۔
یہ پڑھیں: سردار جی 3 کا ٹریلر ریلیز، ہانیہ عامر کے مداح خوشگوار حیرت میں مبتلا
رپورٹ کے مطابق سردار جی 3 کے تین منٹ طویل ٹریلر نے فلم میں ہانیہ عامر کے کردار کی تصدیق کی تاہم اب ٹریلر کو بھارت میں یوٹیوب بلاک کردیا گیا ہے تاہم اسے اب بھی دلجیت دوسانجھ کے انسٹاگرام اکاؤنٹ سے دیکھا جاسکتا ہے۔
View this post on Instagram
فلم کے پہلے جاری کیے گئے ٹیزرز اور گانے اب بھی ویڈیو پلیٹ فارم پر دیکھے جاسکتے ہیں۔
اس سے قبل خبریں گردش کررہی تھیں کہ پہلگام فالس فلیگ آپریشن کے بعد پاکستانی اداکارہ کو فلم کی کاسٹ سے ڈراپ کردیا گیا ہے۔
تاہم گزشتہ روز جاری ہونے والے ٹریلر نے افواہوں کو رد کیا جس میں ہانیہ عامر موجود تھیں۔
امر ہندل کی ہدایت کاری اور جتندر لال، دھیرج رتن اور منیلا رتن کی مشترکہ تحریر کردہ فلم جمعہ 27 جون کو بھارت کے علاوہ دنیا بھر میں ریلیز کی جائے گی۔
