The news is by your side.

Advertisement

مقبوضہ وادی میں بھارتی فوجیوں کی غنڈہ گردی عروج پر ہے، سردار مسعود خان

کراچی : صدر آزاد کشمیر سردار مسعود خان نے کہا ہے کہ مقبوضہ وادی میں بھارتی فوجیوں کی غنڈہ گردی عروج پر ہے، دنیا مفادات کی خاطر مقبوضہ کشمیر کے مسئلے کو نظرانداز کررہی ہے۔

ان خیالات کا اظہار انہوں نے کراچی میں کونسل آف فارن ریلیشنز کے ڈائیلاگ کی تقریب سے خطاب کرتے ہوئے کیا۔

انہوں نے کہا کہ گزشتہ96دن سے کشمیری عوام قیدوبند کی زندگی گزارنے پر مجبور ہیں، بھارت کی دھوکا دہی اب دنیا سے ڈھکی چھپی نہیں رہی۔

صدر آزاد کشمیر کا کہنا تھا کہ مقبوضہ وادی میں بھارتی فوجیوں کی غنڈہ گردی عروج پر ہے، بھارت کئی دہائیوں سے یو این قرادادوں کی خلاف ورزی کررہا ہے۔

سردار مسعود خان نے کہا کہ بھارت کا ظلم کشمیری نوجوانوں میں آزادی کا جذبہ بڑھا رہا ہے، بھارت مقبوضہ کشمیرمیں اکثریت تبدیل کرنے کی مذموم سازش کررہا ہے۔

انہوں نے کہا کہ مغربی دنیا کے بھارت کے ساتھ معاشی مفادات وابستہ ہیں، دنیا مفادات کی خاطر مقبوضہ کشمیر کے مسئلے کو نظرانداز کررہی ہے، چین، ملائیشیا، ترکی اور ایران نے کھل کر کشمیریوں کے لیے آواز بلند کی ہے۔

صدر آزاد کشمیر کا مزید کہنا تھا کہ وزیر اعظم عمران خان کا جنرل اسمبلی سے خطاب تمام مسلمانوں کی آواز تھا، دنیا بھرمیں بھارت کے مظالم کے خلاف احتجاج کیا گیا۔

بھارت سیز فائر کی بھی مسلسل خلاف ورزیاں کررہا ہے، ایل او سی پر شہری آبادی کو نشانہ بنایا جانا افسوسناک ہے، کشمیر کی پوری حریت قیادت اس وقت پابندسلاسل ہے۔

fb-share-icon0
Tweet 20

Comments

comments

یہ بھی پڑھیں