site
stats
پاکستان

وزیر اعظم نے نئی حج پالیسی کی منظوری دے دی، سردار یوسف

ملتان : وفاقی وزیر مذہبی امور سردار یوسف نے کہا ہے کہ وزیر اعظم نواز شریف نے نئی حج پالیسی کی منظوری دے دی ہے جس کا جلد اعلان کر دیا جائے گا۔

ملتان ایئرپورٹ پر میڈیا سے گفتگو کرتے ہوئے سردار یوسف کا کہنا تھا کہ سرونگ ججز کے پاس وقت نہ ہونے کے باعث پانامہ کمیشن کے لئے حکومت ریٹائرڈ ججز سے رابطے میں ہے، جلد کمیشن بنا دیا جائے گا جو پانامہ لیکس کے حوالے سے تحقیقات کرے گا۔

اس موقع پروفاقی وزیرکا کہنا تھا کہ وزیر اعظم نواز شریف نے نئی حج پالیسی کی منظوری دے دی ہے، جبکہ سندھ ہائیکورٹ نے بھی حج پالیسی کے خلاف موجود اسٹے آرڈرکو ختم کر دیا ہے جس کے بعد جلد حج پالیسی کا اعلان کر دیں گے۔

سردار یوسف نے کہا کہ سندھ اورپنجاب کی حکومت نے سرکاری حج کوٹے میں اضافے کا مطالبہ کیا تھا جس کے بعد سرکاری حج کوٹہ بڑھا دیا گیا ہے تاکہ حاجیوں کو اچھی سہولیات میسر کی جا سکیں۔

وفاقی وزیر کا کہنا تھا کہ پنجاب میں نسواں بل پر کمیٹی بنا دی گئی ہے 1973 کے آئین کے تحت کوئی بھی قانون اسلام اور شریعت کے منافی نہیں ہو سکتا۔

ان کا کہنا تھا کہ قرآن کمپلیکس اورملک بھر میں نمازوں کا ایک ہی وقت معین کرنے پر کام جاری ہے جبکہ امام کعبہ بھی جلد پاکستان کا دورہ کریں گے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top