قومی ٹیم کے سابق کپتان سرفراز احمد سے تعلیمی نصاب میں ایک مضمون شامل کرلیا گیا ہے۔
سماجی رابطے کی ویب سائٹ ٹویٹر پر سرفراز احمد کی اہلیہ خوشبخت سرفراز نے بتایا کہ یہ انتہائی پرجوش لمحہ ہے۔
انہوں نے اردو کی چوتھی کلاس کی کتاب کا عکس شیئر کرتے ہوئے بتایا کہ سرفراز احمد کو اب نصاب میں پڑھایا جائے گا۔
خوش بخت نے لکھا کہ ’پر جوش ہوں صرف یہ سوچ کر کہ میرے بچے اپنے دوستوں اور اساتذہ کے ساتھ اپنے والد کے بارے میں کب پڑھیں گے، انہوں نے کہا کہ الحمدللہ یہ لمحہ قابل فخر ہے۔‘
خوش بخت سرفراز نے عربی زبان میں لکھا کہ اللہ جسے چاہے عزت دے اور جسے چاہے ذلیل کرے۔
Thrilled!
Just by imagining when my kids would read about their father along with friends & teacher!
Can’t be more proud!
Alhamdulliahوَتُعِزُّ مَن تَشَاءُ وَتُذِلُّ مَن تَشَاءُۖ 🌟@SarfarazA_54 pic.twitter.com/70O1fqeeR4
— Khushbakht Sarfaraz (@sarfarazkhush) August 11, 2022
خیال رہے کہ سرفراز احمد قومی کرکٹ ٹیم کے بلے باز اور وکٹ کیپر ہیں۔ انہوں نے ٹیسٹ سمیت کرکٹ کے تمام فارمیٹس میں کپتان کی حیثیت سے پرفارم کیا۔ ان کی کپتانی میں پاکستان نے جون 2017 میں چیمپئنز ٹرافی جیتی۔
سرفرازاحمد سب سے کم عمر کرکٹر ہیں جنہیں ستارہ امتیاز سے نوازا گیا ہے۔
حکومت پاکستان نے مارچ 2018 میں یوم پاکستان کے موقع پر سرفراز احمد کو ستارہ امتیاز سے نوازا تھا جبکہ اس کے علاوہ بھی انہیں متعدد ایوارڈ مل چکے ہیں۔
سرفراز احمد 22 مئی 1987 کو کراچی میں ایک کاروباری گھرانے میں پیدا ہوئے جبکہ ان کے آباؤ اجداد بھارتی ریاست اترپردیش سے ہجرت کرکے پاکستان آئے تھے۔
