قومی ٹیم کے سابق کپتان سرفراز احمد ایک مرتبہ پاکستان کی نمائندگی کرنے کے لیے تیار ہیں۔
پاکستان چیمپئنز نے ورلڈ چیمپئن آف لیجنڈز کے دوسرے ایڈیشن کے لیے سابق کپتان سرفراز احمد سے معاہدہ کرلیا ہے جس کے بعد سرفراز احمد ایک بار پھر ایکشن میں نظر آئیں گے۔
پہلے ایڈیشن میں انڈیا چیمپیئنز نے پاکستان چیمپیئنز کو شکست دے کر ٹائٹل اپنے نام کیا تھا۔
پاکستان چیمپیئنز نے سوشل میڈیا اکاؤنٹ انسٹاگرام پر ویڈیو جاری کرکے سرفراز احمد کی شمولیت کے حوالے سے آگاہ کیا۔
ویڈیو میں سرفراز احمد کو کپتان، لیڈر اور لیجنڈز کے نام سے پکارا گیا ہے۔
View this post on Instagram
واضح رہے کہ 2017 میں سرفراز احمد کی قیادت میں پاکستان ٹیم نے روایتی حریف بھارت کو فائنل میں شکست دے کر چیمپیئنز ٹرافی کا ٹائٹل اپنے نام کیا تھا۔
سرفراز احمد رواں سال پی ایس ایل 10 میں پہلی بار کسی بھی ٹیم کی نمائندگی نہیں کریں گے ۔
