سابق کپتان سرفراز احمد نے ورلڈکپ کھیلنے سے متعلق سوال پر مسکراتے ہوئے دلچسپ جواب دیا۔
کراچی میں پریس کانفرنس کے دوران صحافی نے سوال کیا کہ کیا آپ ورلڈکپ کھیلنا چاہتے ہیں جس پر سرفراز نے ہاں یا ناں میں جواب دینے سے گریز کرتے ہوئے ہنستے ہنستے کہا کہ جب تک کھیل رہا ہوں تو خواہش کیوں نہیں ہوتی کھیلنے کی۔
"World Cup Khelnay Ki Khuahish Kis Ko Nahi Hoti, Sbko Hoti Hai", @SarfarazA_54 responds to a question asked by journalist @Shoaib_Jatt #SarfarazAhmed #WorldCup #Karachi #TOKReports pic.twitter.com/eXflpxzqm8
— Times of Karachi (@TOKCityOfLights) May 3, 2023
سابق کپتان کو نیلسن منڈیلا کے نام سے منسوب ایک منفرد ٹیلنٹ سرچ پروگرام کے لیے برانڈ ایمبیسیڈر کے طور پر منتخب کیا گیا ہے جس کا مقصد کراچی میں انڈر 19 کرکٹ کے ٹیلنٹڈ کھلاڑیوں کو تلاش کرنا ہے۔
اس پروگرام کے ٹرائل مئی کے تیسرے ہفتے میں ہونے والے ہیں اور سرفراز، فواد عالم اور کراچی کے دیگر کرکٹرز کے ساتھ مل کر سلیکشن کے عمل کی نگرانی کریں گے۔
سرفراز احمد نے اس اقدام کو سراہتے ہوئے کہا کہ ان ٹرائلز کے ذریعے کراچی سے باصلاحیت نوجوانوں کو تلاش کرکے آگے بڑھانے میں مدد ملے گی۔
