چٹاگانگ: بنگلا دیش اور پاکستان کے درمیان دو ٹیسٹ میچز پر مشتمل سیریز کا پہلا ٹیسٹ 26 نومبر سے چٹاگانگ میں کھیلا جائے گا۔
بنگلا دیش کے خلاف پہلے ٹیسٹ سے قبل قومی ٹیم کی تیاریاں زور و شور سے جاری ہیں اور کھلاڑی خوب محنت کررہے ہیں تاکہ بنگال ٹائیگر کو ٹیسٹ سیریز میں بھی شکست دی جاسکے۔
پاکستان کرکٹ بورڈ (پی سی بی) نے وکٹ کیپر بیٹر محمد رضوان اور سرفراز احمد کی پریکٹس کی ویڈیو جاری کردی۔
ویڈیو میں دیکھا جاسکتا ہے کہ سرفراز احمد اور رضوان دونوں نے پیڈز اور گلوز پہنے ہوئے ہیں اور ایک دوسرے کو کیچ کی پریکٹس کروا رہے ہیں۔
Teamwork!🙌🙌@SarfarazA_54 @iMRizwanPak #BANvsPAK pic.twitter.com/mQvuY6E9SP
— Pakistan Cricket (@TheRealPCB) November 24, 2021
واضح رہے کہ محمد رضوان کے ٹیم میں آنے کے بعد سرفراز احمد کا پلیئنگ الیون میں جگہ بنانا مشکل ثابت ہورہا ہے۔
ٹیسٹ اسکواڈ میں سرفراز احمد شامل ہیں البتہ پلیئنگ الیون میں ان کی شمولیت کا حتمی فیصلہ میچ سے قبل ہوگا۔
دورہ بنگلادیش میں سرفراز احمد نے تیسرا ٹی ٹوئنٹی میچ کھیلا تھا تاہم خاطر خواہ کارکردگی دکھانے میں ناکام رہے تھے۔
اس سے قبل ٹی ٹوئنٹی ورلڈ کپ میں بھی وہ اسکواڈ میں شامل تھے لیکن ایک بھی میچ میں انہیں نہیں کھلایا گیا۔