کوئٹہ : پی پی رہنما سرفرازبگٹی کی وزیراعلیٰ بلوچستان نامزد ہونےسے متعلق خبروں کی تردید کردی اور کہا افواہیں چل رہی ہیں،ابھی تک کچھ کنفرم نہیں۔
تفصیلات کے مطابق پی پی رہنما سرفرازبگٹی سے میڈیا گفتگو میں صحافی نے سوال کیا کیا آپ وزیراعلیٰ بلوچستان بن رہےہیں، جس پر سرفراز بگٹی نے کہا کہ یہ صرف افواہیں چل رہی ہیں،ابھی تک کچھ کنفرم نہیں۔
سرفراز بگٹی کا کہنا تھا کہ پارٹی جو ذمہ داری دے گی اسے بخوبی نبھاؤں گا تاہم نئی حکومت کی تشکیل کیلئےسیاسی جماعتوں میں بات چیت جاری ہے۔
خیال رہے بلوچستان اسمبلی کے تمام اکاون نشستوں کے نتائج بھی آگئے، پیپلزپارٹی اور جمعیت علمائے اسلام ف گیارہ ، گیارہ نشستوں کے ساتھ سرفہرست ہیں۔
ن لیگ دس سیٹوں کے ساتھ دوسرے نمبر پر ہے، چھ نشستوں پر آزاد امیدوار کامیاب ہوئے، بی اے پی نے چار، نیشنل پارٹی نے تین جبکہ اے این پی نے دونشستیں جیت لیں۔
