نگران حکومت میں سرفراز بگٹی کو وزارت داخلہ جب کہ سابق سیکریٹری فنانس وقار مسعود کو وزارت خزانہ دیے جانے کا امکان ہے۔
اے آر وائی نیوز کے مطابق سرفراز بگٹی کو نگران حکومت میں اہم ذمہ داری سونپتے ہوئے وزارت داخلہ دیے جانے کا امکان ہے، سابق سیکریٹری فنانس وقار مسعود کو وزارت خزانہ کا قلمدان دیے جانے کا کا فیصلہ کیا گیا ہے۔
ذرائع کا کہنا ہے کہ ڈاکٹر گوہر اعجاز کو نگراں وزیرِ تجارت و صنعت بنائے جانے کی توقع ہے، سید محمد علی کو وزارت اطلاعات دیے جانے کا امکان ہے۔
اس کے علاوہ انیق احمد کو وزارتِ مذہبی اموردیے جانے کی خبریں سامنے آئی ہیں، الماس حیدر، عمرسیف بھی نگراں کابینہ کا حصہ ہو سکتےہیں۔
ذرائع کا کہنا ہے کہ ڈاکٹر امجد ثاقب کو بھی نگراں کابینہ میں اہم قلمدان دیے جانے کا امکان ظاہر کیا جارہا ہے، سابق چیئرمین ایس ای سی پی محمدعلی گھمن کو بھی کابینہ میں شامل کیا جاسکتا ہے۔
10 سے 15 ارکان پر مشتمل نگراں وفاقی کابینہ کل حلف اٹھائے گی، حلف برداری کی تقریب شام 5 بجے ایوان صدر میں ہو گی، صدرعارف علوی نگراں وفاقی کابینہ سے حلف لیں گے.
