روالپنڈی: قومی کرکٹ ٹیم کے سابق فاسٹ بولر شعیب اختر نے اپنے صارفین کے لیے ٹویٹر پر ایک سیشن رکھا جس میں انہوں نے صارفین کی جانب سے پوچھے جانے والے مختلف سوالات کے جوابات دیے۔
شعیب اختر نے دو گھنٹے قبل سماجی رابطے کی ویب سائٹ ٹویٹر پر ایک ٹویٹ کیا اور بتایا کہ وہ اگلے بیس منٹ مداحوں کے سوالات کے جوابات دیں گے۔
انہوں نے سوالات پوچھنے والے صارفین کو کہا کہ وہ اپنے سوال کے ساتھ AsksShoaibAkhtar# لکھ کر سوال کریں۔ شعیب اختر نے ساتھ میں یہ بھی لکھا کہ وہ تمام سوالوں کا جواب دینے کی حتی الامکان کوشش کریں گے۔
مزید پڑھیں: شعیب اختر کی نظر میں وسیم اکرم سے اچھا بدقسمت فاسٹ بولر کون ہے؟
پارس نامی صارف نے شعیب اختر کو مخاطب اور ہیش ٹیگ استعمال کرتے ہوئے خطرناک سوال کیا کہ ’سرفراز احمد یا پھر محمد رضوان‘۔ شعیب اختر نے اس سوال کا جواب دیتے ہوئے لکھا کہ محمد رضوان۔
Rizwan
— Shoaib Akhtar (@shoaib100mph) January 3, 2021
ایک صارف نے یوگراج سنگھ کی تصویر شیئر کر کے لکھا کہ یوگراج کے لیے چند لفظ، اس پر شعیب اختر نے ارے واہ جواب دیا۔
Aray wah
— Shoaib Akhtar (@shoaib100mph) January 3, 2021
موجودہ دور کے بہترین فاسٹ بولر کے سوال پر شعیب اختر نے مچل اسٹارک کو بہترین گیند باز قرار دیا۔
Mitchel Starc
— Shoaib Akhtar (@shoaib100mph) January 3, 2021
اے بی ڈویلیئرز سے متعلق شعیب اختر نے کہا کہ وہ ’فائر‘ ہیں۔
Fire
— Shoaib Akhtar (@shoaib100mph) January 3, 2021
ایک صارف نے پوچھا کہ آپ کی زندگی کا بہترین لمحہ کون سا تھا۔ اس سوال کا جواب دیتے ہوئے شعیب اختر نے کہا کہ ’اپنے ملک کی نمائندگی کرنا میرے لیے بہترین لمحہ تھا‘۔
Getting to represent my country
— Shoaib Akhtar (@shoaib100mph) January 3, 2021
بہترین شخصیت کے حوالے سے پوچھے جانے والے سوال پر شعیب اختر نے کہا کہ ’میری پسندیدہ شخصیت حضرتِ محمد مصطفیٰ ﷺ ہیں‘۔
Prophet Muhammad (PBUH)
— Shoaib Akhtar (@shoaib100mph) January 3, 2021
صارفین نے شعیب اختر سے اس قدر سوالات کیے کہ #AskShoaibAkhtar ہیش ٹیگ پاکستان میں ٹاپ پر ٹرینڈ کرنے لگا۔